Adolescence

বয়ঃ সন্ধি, কৈশোৰৰ অপৰাধ প্ৰৱণতা || Adolescence, Adolescent Crime Trends

Leave a Comment / Editorial (সম্পাদকীয়) /

Editorial বয়ঃ সন্ধি, কৈশোৰৰ অপৰাধ প্ৰৱণতা || Adolescence, Adolescent Crime Trends প্রতিজন ব্যক্তিৰ জীৱনলৈ বয়ঃ সন্ধিৰ যোগ আহেই। এইটো প্রাকৃতিক নিয়ম। কিন্তু যুগৰ পৰিবৰ্তনৰ লগত এই বয়ঃসন্ধিৰ পৰিবৰ্তন কেৱল নিজৰেই অনুভূত নহয়। পৰিয়ালৰ লোকসকল, শিক্ষক শিক্ষয়িত্ৰী আৰু ওচৰ চুবুৰীয়াৰ সেয়া দৃষ্টি গোচৰ হয়। কিছুমান পৰিবৰ্তন একেবাৰেই স্বাভাৱিক। ১০-১৩ বছৰ বয়সত দেহৰ গঠন দ্রুত গতিত বাঢ়িবলৈ ধৰে। মাত গলগলীয়া, লাজুক, সংবেদনশীল অনুসন্ধিৎসু আৰু নির্জনতা প্রিয় হয়। কন্যা সন্তানৰ ক্ষেত্ৰত ইয়াৰ প্ৰাবল্য বেছি হোৱাৰ দেখা যায়। এই সময়ছোৱাতেই কন্যাকাল প্রাপ্তিও হয়। বিশ্বায়নে আনি দিয়া পণ্যদ্ৰব্যৰ বিপুল সম্ভাৰে মন থৌকি-বাথৌ কৰি তোলে। ভি.ভি. পর্দাত ধাৰাবাহিক ভাৱে দেখুৱাই থকা বিজ্ঞাপনবোৰ কিশোৰকিশোৰীয়ে চোৱাৰ অনুপযুক্ত। প্রাপ্ত বয়স্ক সকলেও বহুতে তেনে বিজ্ঞাপন চাইনাক কেঁাঁচাবলগীয়া হয়। তি.ভি. পৰ্দাত যিবোৰ ধাৰাবাহিক আৰু বৰ্তমানৰ বোলছবি দেখুওৱা হয় সেইবোৰো এই বয়সৰ ছাত্ৰ-ছাত্ৰীৰ বাবে কেৱল ছোৱাৰ অনুপযোগী নহয়, এইবোৰ তেওঁলোকৰ মগজুৰ বিকাশ, বৌদ্ধিক বিকাশৰ প্ৰধান অন্তৰায়। কিঞ্চিতমান পোছাক, প্রেমিক-প্রেমিকাৰ মাজত হোৱা আলাপ আৰু যৌন উত্তেজক নৃত্য-গীত, সঘনাই গুলিয়া-গুলি, মাৰ-পিত হত্যা কাণ্ড আদি দৃশ্যবোৰ চাই কিশোৰ-কিশোৰীসকলৰ মন উদ্ভ্ৰান্ত হৈ পৰে। আমি নিৰস দৰ্শক হৈ তামাচা চাইছোঁ হওক। জ্ঞান বুদ্ধি, বৌদ্ধিক বিকাশৰ বিপৰীতে তেওঁলোক উচ্ছৃংখল আৰু অকালপব্ধ হৈ পৰে। তেওঁলোকে দৃষ্টি আকৰ্ষণ কৰিবৰ কাৰণে যিকোনো নকৰিবলগীয়া কাম কৰিবলৈ সুবিধা বিচাৰি ফুৰে। বোলছবিৰ নায়ক-নায়িকাৰ দৰে সাজ-পোছাক, খোজ-কাটল আৰু বোলছবি মার্কা সংলাপ ক’বলৈ আৰম্ভ কৰে। দ্রুত বেগত মতৰ-বাইক চলোৱা, গাড়ী চলোৱা আদি কাৰ্যৰ প্ৰতি আকৃষ্ট হৈ পৰে। নিজৰ জীৱনটো বোলছবিত দেখুওৱা নায়ক, নায়িকাৰ দৰে দুঃসাহসিক কামৰ প্ৰতি আকৰ্ষিত হয়। আৰু তেনে কাম কৰিবলৈ মন উচ-পিচাই থাকে। জন্ম হওঁতেই কোনেও ভাল-বেয়া হৈ জন্ম গ্ৰহণ নকৰে। এই ভাল বেয়াটো প্রথমেই ঘৰুৱা পৰিবেশৰ ওপৰত নিৰ্ভৰ কৰে। ক্রমান্বয়ে সামাজিক আৰু প্ৰাথমিক পৰ্যায়ৰ শিক্ষাৰ সুদূৰ প্ৰসাৰী প্ৰভাৱ আহি পৰে। শিশুৰ অনুসন্ধিৎসু মনৰ খুদুৱনি সাৰিব নোৱাৰিলে বৌদ্ধিক বিকাশ হয় স্থবিৰ হৈ পৰিব, নহয় লেহেমীয়া হ’ব। প্রশ্ন কৰাটো শিশুৰ এটা ভাল গুণ। সেই প্রশ্নৰ উত্তৰ ঘৰতে হওক বা বিদ্যালয়তেই হওক শুদ্ধকৈ দিব লাগে। দাবি -ধমকি দি শিশুক প্রশ্ন কৰাত বাধা আৰোপ কৰিব নালাগে। কোনো প্ৰশ্নৰ উত্তৰ সঠিককৈ দিব নোৱাৰিলে শুদ্ধ উত্তৰটো বিচাৰি উলিয়াই শিশুক জনাব লাগে । পৰিয়ালৰ ভিতৰতে অযথা চিঞৰ-বাখৰ, হাই কাজিয়া দেখি থাকিলে শিশুৰ কোমল মনত বিৰূপ প্ৰতিক্ৰিয়াৰ সৃষ্টি হ’ব। আৰু সি অৱচেতন মনত ৰৈ গৈ পিছলৈ দ্বিধাগ্ৰস্ত হৈ পৰিব। সেয়েহে ঘৰত সুস্থ শান্ত পৰিৱেশত শিশুক ডাঙৰ দীঘল হ’বলৈ দিব লাগেচাফ-চিকুন আৰু পাৰিপাতি ঘৰ এখনত ডাঙৰ হোৱা শিশুৱে নিজেও তেনে হ’বলৈ অভ্যাস কৰে। শিশুৰ শাৰীৰিক, মানসিক শ্রী বৃদ্ধিত সহায়ক হোৱা সুষম খাদ্য দিয়াটো বাঞ্ছনীয়। শিশুয়ে বিচাৰিলেও স্বাস্থ্য হানিকাৰক খাদ্য যেনে বজাৰত পোৱা শীতল পানীয়, চিপচ্ আদি খাবলৈ দিব নালাগে। ভালকে বুজাই-বঢ়াই সেই বিলাকৰ ক্ষতি-কাৰক পার্শ্বক্রিয়া সম্পর্কে সজাগ হ’বলৈ শিকাব লাগে। কৈশোৰ আৰু প্ৰাক যৌৱনত তেওঁলোকে কেনেধৰণৰ সংগত থাকিবলৈ, খেলিবলৈ, ফুৰিবলৈ ভাল পায় তাৰ প্ৰতি লক্ষ্য ৰাখিব লাগে। সন্দেহ জনক চৰিত্ৰৰ সমনীয়াৰ লগ এৰুৱাবলৈ অতি সাৱধানে চেষ্টা কৰিব লাগে। অভিভাৱকে নোসোধাকে যাতে কেনিও ওলাই নাযায় তাৰ প্ৰতিও চোকা দৃষ্টি ৰাখিব লাগিব। অলপতে অসমৰ কেইবাখনো উচ্চ আদৰ্শৰ বুলি স্বীকৃত বিদ্যালয়ত যি অনৈতিক ঘটনা আৰু অপৰাধ সংঘটিত হৈছে সেই কথাতো অভিভাৱক সকলে নিশ্চয় অনুধাৱন কৰিব পাৰিছে। গতিকে বিদ্যালয়ৰ পৰা অহাৰ পিছত আৰু বিদ্যালয় বন্ধ থকা দিনত ক’ত কাৰ সংগত কি কাৰণত কোন সময়ত ছাত্ৰ-ছাত্ৰী ঘৰৰ পৰা বাহিৰলৈ যায় তাৰ প্ৰতি পিতৃ-মাতৃ অভিভাৱকৰ এৰাব নোৱাৰা দায়িত্ব আৰু কৰ্তব্য আছে। এইড্চ আৰু পৰিয়াল পৰিকল্পনা শিতানতো যিবোৰ কথা কোৱা হয় আৰু যিধৰণৰ ব্যৱস্থা পত্ৰ দিয়া হয় সেইবিলাকৰ পৰাও কু-কৰ্ম কৰিবলৈ প্ৰলোভিত হয়। সেয়েহে প্রাপ্তবয়স্ক নোহোৱা পর্যন্ত কিশোৰ কিশোৰীৰ মন শান্ত আৰু নিষ্পাপ থাকিবলৈ তেনে বোলছবি, বিজ্ঞাপন আদি উপভোগ কৰাত ঘৰত বাধা আৰোপ কৰিব লাগে। তি.ভি.ত কি কি অনুষ্ঠান চাব আৰু দিনটোত কিমান সময় চাব তাক স্পষ্ট কৰি দিব লাগে। কোনো কাৰণতে এই সময় দিনটোৰ ভিতৰত ৪৫ মিনিত – ৬০ মিনিতৰ বেছি হ’ব নালাগে। ৰাতি ১০ বজাৰ পিছত কোনো কাৰণতেই তি.ভি.ৰ সন্মুখত বহি থাকিব দিব নালাগে। কিশোৰ-কিশোৰী সকলক দেশৰ সম্পদৰূপে গঢ় দিবলৈ কেৱল বিদ্যালয়, মহাবিদ্যালয়, বিশ্ববিদ্যালয়েই যথেষ্ট নহয়। নিজৰ ঘৰখনেই এখন বিশ্ববিদ্যালয়। ঘৰতেই কিছু সামজিক ৰীতি নীতি, আচৰণ আৰু নিজৰ সংস্কৃতিৰ প্ৰতি শ্রদ্ধা গঢ়ি তুলিব লাগিব। মন কৰিব, শিশুটি প্রথমেই আপোনাৰ সন্তানহে। ভৱিষ্যতে এজন সু নাগৰিক হৈ উঠিলে কেৱল আপোনাৰেই গৌৰৱ নহয়, সমাজৰো গৌৰৱ, দেশৰো গৌৰৱ। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

বয়ঃ সন্ধি, কৈশোৰৰ অপৰাধ প্ৰৱণতা || Adolescence, Adolescent Crime Trends Read More »

Environment

পৰিৱেশ সংৰক্ষণৰ ক্ষেত্ৰত ছাত্ৰ-ছাত্ৰীৰ কৰ্তব্য || Students’ duties in Environmental Conservation

Leave a Comment / Common Writings ( সাধাৰণ লিখনি ) /

Common Writings পৰিৱেশ সংৰক্ষণৰ ক্ষেত্ৰত ছাত্ৰ-ছাত্ৰীৰ কৰ্তব্য || Students’ duties in Environmental Conservation বর্তমান যিটো গতিত বিশ্বৰ জলবায়ু আৰু পৰিবেশ (Environment) সলনি হৈ আহিছে সেই গতি অক্ষুণ্ণ থাকিলে অদূৰ ভৱিষ্যতে যে পৃথিৱীলৈ ভয়ানক বিপদ কঢ়িয়াই আনিব সেয়া ধূৰূপ বুলি জানি বিশ্বৰ প্ৰকৃতিবিদ আৰু বিজ্ঞানী মহল উদ্বিগ্ন হৈ পৰিছে। আমাৰ দেশতো অতি দ্রুত গতিত প্রাকৃতিক পৰিবেশ সলনি হ’ব লাগিছে। উদ্যোগীকৰণ, জনসংখ্যা বৃদ্ধি, খাদ্য সামগ্রী উৎপাদন আদিৰ বাবে নতুবা চোৰাং বেহাৰ বাবেই হওক, ক্ষিপ্র গতিত পৃথিৱীৰ মানচিত্ৰৰ পৰা বনাঞ্চল আৰু ইয়াৰ সম্পদৰাজি ধ্বংস হৈ আহিছে৷ কেৱল চৰকাৰী আঁচনি নতুবা আইন-কানুনেৰে এনে সমস্যাৰ বিৰুদ্ধে যুঁজ দিয়াতো অসম্ভৱ কথা৷ বিশ্বৰ পৰিবেশ পুনৰ অনুকুলকৈ গঢ় দিবলৈ হ’লে লাগিব সঠিক সজাগতা আৰু এই সেউজী বিনন্দীয়া ধৰিত্ৰীক দীৰ্ঘজীৱী কৰি ৰখাৰ এক আন্তৰক প্ৰয়াস। এই গুৰুত্বপূৰ্ণ আৰু দায়িত্বপূৰ্ণ কাৰ্য সূচাৰুৰূপে সম্পাদন কৰাত এক বলিষ্ঠ পদক্ষেপ ল’ব লাগিব বৰ্তমানৰ ছাত্ৰ সমাজে। যিহেতু ছাত্ৰ-ছাত্ৰীসকলে সদায় একেলগে মিলিত হোৱাৰ এক অতিৰিক্ত সুবিধা থাকে অর্থাৎ ‘ছাত্র-সমাজ’ এক সংগবদ্ধ শক্তি, গতিকে এই অফুৰন্ত শক্তিক সৎ আৰু সৃষ্টিমূলক কার্যত জড়িত কৰিবলৈ আমি সকলোৱে চেষ্টা কৰা উচিত। প্রতিকুলতাৰ বাধা ওফৰাই ন’ দৃষ্টিভংগীৰে অনুকুল আৰু ফলপ্রসু কাম কৰাত আচলতে ছাত্ৰ-ছাত্ৰীৰ কৰ্তব্য বহুত। আমাৰ ছাত্ৰ-ছাত্ৰীসকলে বিদ্যালয়ত অর্জন কৰা জ্ঞানবোৰ নিজৰ মাজত সীমাবদ্ধ নকৰি সমাজৰ চুকে-কোণে বিয়পাই দি সেইবোৰ কাৰ্যলৈ পৰিবৰ্তন কৰাত গুৰুত্ব আৰোপ কৰিব লাগে। আমাৰ বোধেৰে নিজৰ আৰ্জিত জ্ঞান, বুদ্ধি আৰু শিক্ষাক ব্যৱহাৰিক দিশত প্রয়োগ নকৰালৈকে শিক্ষা অসম্পূর্ণ আৰু অপ্রাসংগিক। আৰ্জিত শিক্ষাক প্ৰকৃতি আৰু মানুহৰ অনুকুলতাৰ হ’কে ব্যৱহাৰ কৰিবলৈ শিকিবই লাগিব। তেহে শ্রম সার্থক হ’ব । আমাৰ জীৱনৰ অন্তনিৰ্হিত উদ্দেশ্যত কিছু হলেও সফলতা আহিব । দ্রুত উদ্যোগীকৰণ, যান-বাহন, কল-কাৰখানা আদি বৃদ্ধিৰ ফলত তথা গছ-গছনিৰ পৰিমাণ কমি অহাৰ বাবে বায়ুমণ্ডলত ক্রমে কার্বন-ডাই অক্সাইড CO2, কার্বন মন ‘অক্সাইড (CO), ছালফাৰ ডাই অক্সাইড (SO2) আদিৰ দৰে বিষাক্ত গেছসমূহৰ পৰিমাণ বৃদ্ধি হৈ আহিছে। বিশেষকৈ CO2 বৃদ্ধিয়ে ‘সেউজ গৃহ প্ৰভাৱ’ৰ সৃষ্টি কৰিছে৷ ফলত গোলকীয় উষ্ণতা বৃদ্ধি সমস্যাই ভয়াবহ ৰূপ ধাৰণ কৰিছে। গোলকীয় উষ্ণতা বৃদ্ধিৰ বাবে মেৰু অঞ্চলৰ বৰফ গলাৰ কথা আজিকালি বাতৰি কাকত, বাতৰি মাধ্যম সমূহত সততে শুনিবলৈ পোৱা যায় ৷ মেৰু অঞ্চলৰ বৰফবোৰ এইদৰে গলি থাকিলে এদিন গোটেই পৃথিৱী জলমগ্ন হৈ যাব। কিন্তু এই বিপদৰ বহু আগতে আন এটা সমস্যাই আমাক কোঙা কৰি তুলিব। সেয়া হ’ল মেৰু অঞ্চলত বৰফৰ তলত আবদ্ধ হৈ থকা মিথেন (CH4) গেছৰ বিৰাট ভাণ্ডাৰ। বৰফ গলি যোৱাৰ ফলত আবদ্ধ হৈ থকা এই গেছ দ্ৰুত গতিত বায়ুমণ্ডলৰ লগত মিলিত হৈছে। যাৰ ফলত অতি কম দিনৰ (প্ৰায় ৫০ বছৰ মানৰ ভিতৰতে, যদিহে বন্ধ নহয়) ভিতৰতে এই পৃথিৱী অতি উতপ্ত হৈ পৰিব। কিয়নো এই গেছে CO, তকৈ অধিক দ্ৰুত গতিত ‘সেউজ গৃহ ছাতি’ তৈয়াৰ কৰে ফলত অস্বাভাৱিক হাৰত পৃথিৱীৰ উষ্ণতা বৃদ্ধিৰ সমস্যাই দেখা দিছে৷ পৰিণাম স্বৰূপে বৰফৰ পৰা জুলীয়া অৱস্থা পোৱাৰ পূৰ্বেই ই বাষ্পীভূত হ’ব। অর্থাৎ পৃথিবীখন এটা উত্তপ্ত বাষ্পপিণ্ডৰ দৰে হোৱাৰ সম্ভাৱনা আছে। আনহাতে শীত-তাপ নিয়ন্ত্রিত ব্যৱস্থাত ব্যৱহাৰ হোৱা ক্লৰফুৰ’ কাৰ্বনে বায়ুমণ্ডলৰ অজ’ন স্তৰ (O,) ধ্বংস কৰাত সূৰ্য্যৰ পৰা অহা অতিবেঙুনীয়া আৰু অৱলোহিত ৰশ্মি বিনা বাধাই পৃথিৱীত পৰাৰ ফলত বিভিন্ন গুৰুতৰ সমস্যাই দেখা দিছে। এইবোৰৰ বিষয়ে আচলতে এক জন জাগৰণৰ প্ৰয়োজন ৷ তাৰোপৰি বায়ুমণ্ডলত S, N, CO2 আদি গৈছৰ বৃদ্ধিৰ ফলত নানা জটিল বিক্ৰিয়াৰ দ্বাৰা ছালফিউৰিক এছিড, নাইট্রিক এছিড, কার্বনিক এছিড উৎপন্ন হৈ বৰষুণৰ লগত ধৰাৰ বুকুলৈ কঢ়িয়াই আনে ‘এছিড বৰষুণ’ । বিশেষকৈ উদ্যোগপ্রধান অঞ্চল সমূহত এই সমস্যা অধিক বৃদ্ধি পাইছে। আনহাতে বায়ুমণ্ডলত CO, ৰ পৰিমাণ বৃদ্ধিৰ সমান্তৰাল ভাবে বিশুদ্ধ অক্সিজেন (O2) ৰ পৰিমাণ হ্রাস পোৱাতো সমগ্র জীৱকূলৰ বাবে এক অশনি সংকেত। এইবোৰ গুৰুতৰ সমস্যা সমাধানৰ বাবে আজিৰ ছাত্ৰ-ছাত্ৰী সু-শিক্ষিত হৈ নিজে সজাগ হোৱাৰ লগতে ৰাইজকো সজাগ কৰাৰ দায়িত্ব নললে এইবিনন্দীয়া পৃথিৱীৰ পৰা তিল তিলকৈ উন্নত মানৱ সভ্যতা ধ্বংস হ’ব। হাতে-কামে এই অৱধাৰিত সমস্যা ৰোধ কৰাৰ বাবে নামি পৰাটো আজিৰ ছাত্ৰ-সমাজৰ সামাজিক আৰু নৈতিক দায়িত্ব আৰু কৰ্তব্য। জনসংখ্যা বৃদ্ধি তথা কল-কাৰখানা, উদ্যোগ আদি বৃদ্ধিৰ বাবে ব্যাপক ভাবে পানী প্ৰদূষিত হৈ আহিছে৷ বিশুদ্ধ খোৱা পানী সমস্যাই মানৱ জাতিক জুৰুলা কৰা সময়ত আমি জনা উচিত যে এসময়ত কেনেকৈ খোৱা পানী সমস্যাৰ সৃষ্টি হ’ব? মাটি প্ৰদূষণ, শব্দ প্ৰদূষণ, সমাজৰ মাজত চলি থকা অন্ধবিশ্বাস, কুসংস্কাৰ দূৰ কৰি বৈজ্ঞানিক মানসিকতা সম্পন্ন সমাজ প্রতিষ্ঠা কৰাতো বৰ্তমানৰ ছাত্ৰ-ছাত্ৰীয়ে সক্ৰিয় আৰু গুৰুত্বপূর্ণ ভূমিকা গ্ৰহণ কৰিব লগা দায়িত্ব আছে। আমাৰ সমাজত চলি থকা অবাধ দূর্নীর্তি, অন্যায়, অত্যাচাৰ, শোষণ, নিপীড়ন তথা অপসংস্কৃতিৰ বিৰুদ্ধে ছাত্ৰাৱস্থাৰ পৰা সজাগ হৈ উপযুক্ত সময়ত এইবোৰৰ বিৰুদ্ধে সাহসেৰে থিয় দিব পৰা গুণৰ অধিকাৰী জনহে প্ৰকৃততে দেশৰ সু-নাগৰিক। এজন সু-ছাত্ৰ হোৱাটো সহজ কিন্তু সঁচা অৰ্থত সু-নাগৰিক হোৱাটো অত্যন্ত প্ৰত্যাহ্বানমূলক কাম। গতিকে এটা সুস্থ আৰু সবল মানসিকতা গঢ় দিয়াটো ছাত্ৰাৱস্থাত ছাত্রছাত্ৰীৰ অন্যতম কৰণীয় দিশ। ছাত্ৰ-ছাত্ৰী সকলে নিজৰ বিদ্যালয়ৰ চৌহদৰ চাৰিওফালে চাফ-চিকুণ কৰি, নিজৰ ঘৰৰ চৌহদ পৰিষ্কাৰকৈ ৰাখিয়ে প্রকৃতিলৈ প্ৰভূত বৰঙণি যোগাব পাৰে। পৰিকল্পিত আৰু ব্যাপক ৰূপত বৃক্ষ ৰোপণেই হৈছে ওপৰত উল্লেখ কৰা বিজ্ঞান সম্বন্ধীয় প্রাকৃতিক সমস্যা সমূহৰ সমাধানৰ একমাত্ৰ পাথেয়। বৃক্ষৰোপণ আৰু ইহঁতক প্রতিপালন কৰি ডাঙৰ কৰাটো এটা মহৎ কাম, যি কামে হয়তো পৃথিৱীক অকাল মৃত্যুৰ পৰা ৰক্ষা কৰিব পাৰিব। (বৃক্ষৰোপণে অর্থাৎ গছ-গছনিয়ে কেনেকৈ বহুতো গুৰুতৰ সমস্যা সমাধান কৰিব পাৰে, সেয়াও এটা দীঘলীয়া কথা..)। বিদ্যালয়ৰ পৰা সমাজৰ প্ৰতিটো কোণলৈ পৰিবেশ সম্বন্ধীয় সমস্যা, সামাজিক আৰু অৰ্থনৈতিক সমস্যাসমূহৰ বাৰ্তা, ৰোধ কৰাৰ উপায় আৰু কৰ্মবোৰক প্ৰসাৰ কৰাৰ ক্ষেত্ৰত এতিয়াই দায়িত্ব নল’লে আৰু নিশিকিলে এদিন পৰিস্থিতি নিয়ন্ত্ৰণৰ বাহিৰ হৈ যাব। সামাজিক দায়বদ্ধতা আৰু নৈতিক দায়িত্বৰ প্ৰতি উদাসীন হৈ জীৱনৰ মূল হেৰুৱাই অতি ব্যক্তিগত জীৱনৰ ভিতৰত আৱদ্ধ হৈ পৰাতো শিক্ষিত মানুহৰ কৰ্তব্য আৰু নীতি হোৱা অনুচিত। এয়া প্ৰকৃতিৰ আহ্বান। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

পৰিৱেশ সংৰক্ষণৰ ক্ষেত্ৰত ছাত্ৰ-ছাত্ৰীৰ কৰ্তব্য || Students’ duties in Environmental Conservation Read More »

Plastic

প্লাষ্টিকৰ ক্ষতিকাৰক স্বীকাৰোক্তি: পৰিৱেশ বিধ্বংসীতাৰ এক উন্মোচন || Plastic’s Damaging Confession: An Unveiling of Environmental Havoc

Leave a Comment / Science ( বিজ্ঞান ) /

Science প্লাষ্টিকৰ ক্ষতিকাৰক স্বীকাৰোক্তি: পৰিৱেশ বিধ্বংসীতাৰ এক উন্মোচন || Plastic’s Damaging Confession: An Unveiling of Environmental Havoc মই হৈছোঁ খাৰুৱা তেলৰ পৰা ওলোৱা বিভিন্ন দ্ৰব্যৰ পৰা কৃত্ৰিমভাৱে প্রস্তুত কৰা এবিধ দ্রব্য। বর্তমান সকলোৱে প্ৰতিদিনে ৰাতিপুৱা শুই উঠাৰ পৰা ৰাতি শুৱালৈকে মোক বহুলভাৱে ব্যৱহাৰ কৰে। মই সাধাৰণতে লঘু, স্বচ্ছ, তাপ আৰু বিদ্যুত্ৰ অপৰিবাহী। তাপ আৰু চাপ প্ৰয়োগ কৰিলে মই তৰল পদাৰ্থৰ দৰে আকৃতি সলনি কৰোঁ । তাপ আৰু চাপ নোহোৱা অৱস্থাত মই গোটা বস্তুৰ দৰে নিজৰ আকৃতি ধৰি ৰাখোঁ ১৮৬৯ চনত আমেৰিকাৰ জন ৱেছলিহায়াট আৰু ইছাইয়া হায়াট নামৰ ভাতৃদ্বয়ে মোক আৱিস্কাৰ কৰিছিল। সকলোৱে দৈনন্দিন ব্যৱহাৰ কৰা ফণী, বুটাম টুথ ব্ৰাছ, পেকেট, পুতলা খেলনা, ফাউন্টেইন পেনৰ উপৰিও টি ভি, কম্পিউটাৰ আৰু ৰেডিঅ’ৰ বাকচ ছুইছ বৰ্ড আদি বহুবোৰ সামগ্ৰী মোৰ দ্বাৰা নির্মিত। মই সাধাৰণতে দুই প্ৰকাৰৰ। তাপপ্লাষ্টীয় আৰু তাপস্থাপিত। ইয়াৰ উপৰিও মোৰ বহুতো উপশ্রেণী আছে । মোক তাপ, পোহৰ, পানী, তেল, এছিড আদিয়ে সহজে নষ্ট কৰিব নোৱাৰে। অস্ত্রোপচাৰ কৰোঁতে চিলাই কৰিবলৈ ব্যৱহাৰ কৰা সূতা আৰু কেপচুলৰ ওপৰৰ তৰ্প, আদি হিচাপে মোক চিকিৎসাশাস্ত্ৰতো ব্যৱহাৰ কৰা হৈছে । মোৰ গুণ অন্তহীন হ’লেও দোষো কিন্তু নোহোৱা নহয় । মই জৈৱিক ভাৱে ধ্বংস নহওঁ । সেইবাবে মোৰ ক্রমবর্ধমান ব্যৱহাৰে প্ৰদূষনজনিত সমস্যাৰ সৃষ্টি কৰিছে আৰু মোৰ ব্যৱহাৰ কমাবলৈ পৰিবেশবিদসকল সৰৱ হৈ উঠিছে । গোলকীয় উত্তাপ বৃদ্ধিত মোৰ প্ৰভাৱ অপৰিসীম। মোৰ দ্বাৰা মাটিৰ জৈৱিক গুণ নষ্ট হয় । মানুহৰ কিছুমান বেমাৰৰ কাৰক হিচাপেও কিছুমানে মোক সন্দেহ কৰে। সেয়ে বর্তমান পৰিবেশবিদসকলে মোৰ বিকল্প দ্ৰব্যৰ সন্ধানত নামিছে। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

প্লাষ্টিকৰ ক্ষতিকাৰক স্বীকাৰোক্তি: পৰিৱেশ বিধ্বংসীতাৰ এক উন্মোচন || Plastic’s Damaging Confession: An Unveiling of Environmental Havoc Read More »

Animal Education

প্রাণী জগতৰ শিক্ষা ব্যৱস্থা || The educational system of the Animal Kingdom

Leave a Comment / Interesting Facts ( আকৰ্ষণীয় তথ্য ) /

Interesting Facts প্রাণী জগতৰ শিক্ষা ব্যৱস্থা || The educational system of the Animal Kingdom কিতাপ-পত্ৰৰ ব্যৱস্থা নাই যদিও প্ৰাণী সমূহৰো এখন শিক্ষা জগত আছে য’ত কেৱল বাস্তৱ শিক্ষাহে দিয়া হয়। চিলমাছে পোৱালিবিলাকক সাঁতুৰিবলৈ শিকায়। শিক্ষা সম্পূৰ্ণ হোৱাৰ পাছতহে পোৱালিবিলাকক পানীত এৰি দিয়ে। গৰৈ, শ’ল আদি মাছে লগত এজাক পোনা লৈ পানীত ঘূৰি ফুৰে। কিবা বিপদৰ উমান পালেই মাছটো পানীত ডুব মাৰে আৰু পোৱালিবিলাকো অদৃশ্য হয়। উদৰ মাকজনীয়েও পোৱালিবিলাকক পিঠিত বান্ধি পানীৰ মাজ পায়গৈ আৰু হঠাতে বুৰ মাৰি দিয়ে। পোৱালিবিলাকে নিৰুপায়ত পৰি সাঁতুৰিবলৈ বাধ্য হয়। অৱশ্যে বিপদত পৰিলে মাকে সহায় কৰে। কেৰ্কেটুৱাৰ মাকজনীয়ে প্ৰথমতে পোৱালিবোৰক গছৰ গুৰিলৈ নি তলফালৰ পৰা ঠেলি দিয়ে যাতে সিহঁতে বগাবলৈ শিকে। তাৰ পাছত এটা ডালৰ পৰা ঠেলা মাৰি দিয়ে যাতে আন এটা ডাললৈ জপিয়াব পাৰে। মেকুৰীয়ে পোৱালিক চিকাৰ কৰিবলৈ শিকায়, শিকোতে গাফিলতি কৰিলে মাকৰ পৰা খকৰা-মুকুতিও খায়। সিংহৰ মাকজনীয়ে পোৱালিবিলাকৰ আগত নিজৰ নেজডালকে এনেকৈ ঘূৰায় যে সেইডাল যেনিবা সিহঁতি বিচাৰি ফুৰা চিকাৰহে। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

প্রাণী জগতৰ শিক্ষা ব্যৱস্থা || The educational system of the Animal Kingdom Read More »

Student Life

ছাত্ৰ জীৱনত আমাৰ কৰ্তব্য || Our duty in student life

Leave a Comment / Common Writings ( সাধাৰণ লিখনি ) /

Common Writings ছাত্ৰ জীৱনত আমাৰ কৰ্তব্য || Our duty in student life মানুহে যি সময়ত বিদ্যা শিক্ষাৰে জ্ঞান আহৰণৰ দ্বাৰা ভৱিষ্যৎ জীৱনৰ বাবে নিজকে সাজু কৰি তোলে সেই সময়ছোৱাকে ছাত্ৰ জীৱন বোলা হয়। সেই সময়ছোৱাত মই ভাবো এই ছাত্ৰ জীৱনৰ প্ৰধান কর্তব্য হ’ব জ্ঞান আহৰণ কৰা; যাৰ দ্বাৰা একো একোজন ছাত্রই নিজকে ভৱিষ্যতৰ সু-নাগৰিক হ’বৰ বাবে গঢ়ি তুলিব পাৰে। ছাত্র জীৱনৰ প্ৰধান কৰ্তব্য হৈছে শিক্ষা আহৰণ কৰা। শিক্ষা আহৰণৰ বাবে প্ৰথম আৰু প্ৰধান কামটো হ’ল অধ্যয়ন। ভৱিষ্যতেও এজন সুনাগৰিক হ’বলৈ পুথি অধ্যয়নেই প্রধান সঁজুলি। কেৱল টকাপইছা অৰ্জনৰ বাবে একোটা চাকৰি কৰিবলৈকে শিক্ষাৰ প্ৰয়োজন নহয়, জীৱনৰ প্ৰতিটো মুহুৰ্তলৈকে শিক্ষাৰ প্রয়োজন। আকৌ বিদ্যা শিক্ষা অর্জনৰ বাবে আন এটা কৰ্তব্য হ’ল সৎ চৰিত্ৰ গঠনৰ প্ৰস্তুতি। সৎ চৰিত্ৰৰ যোগেদিহে ভৱিষ্যতে সু-নাগৰিক হিচাপে গঢ়ি তুলিব পাৰি। নিজৰ পাঠ্যপুথিৰ উপৰিও জ্ঞান আৰু চৰিত্ৰ গঠনৰ বাবে বাতৰিকাকত, কুইজৰ লগতে অন্যান্য পুথি অধ্যয়ন কৰাতো নিতান্তই প্রয়োজনীয়। ইয়াৰ উপৰিও সুস্বাস্থ্যৰ অধিকাৰী হ’লেহে এজন ছাত্ৰই পৃথিৱীত সুখে-সন্তোসে বাস কৰিব পাৰে। সময় অনুসাৰে খোৱা-বোৱা, গা-পা পোৱা, শোৱা উঠা, খেল-ধেমালি কৰাতো এজন ছাত্ৰৰ কৰ্তব্য বুলি ভাবিব পাৰি। জ্ঞান আহৰণৰ বাবে বাতৰি আলোচনী পঢ়াৰ উপৰিও ৰেডিঅ’, টেলিভিছন আদিৰ শিক্ষামূলক কাৰ্যসূচী শুনা আৰু চোৱাতো ছাত্ৰৰ কৰ্তব্য। সঞ্চয় কৰাতো সকলোলোকৰ বাবে ভাল অভ্যাস। তদুপৰি সি ছাত্ৰৰো কৰ্তব্য হ’ব পাৰে। বৃত্তিৰ ধন অথবা অন্য প্ৰকাৰে পোৱা ধন ছাত্ৰসকলে সঞ্চয় কৰাতো ভাল অভ্যাস। এনেদৰে দিনলিপি লিখা ছাত্ৰৰ এটা প্রধান কৰ্তব্য হোৱা উচিত। শিক্ষক লগতে জ্যেষ্ঠজনক সন্মান আৰু অনুজসকলক মৰম কৰাতো ছাত্ৰৰ এটা কৰ্তব্য। সমাজসেৱাত নিজকে জড়িত কৰা, দুখীয়া বাধাগ্রস্ত লোকক সহায় কৰাতো ছাত্ৰৰ অন্যতম কর্তব্য। ছাত্ৰজীৱন হৈছে জীৱনৰ অন্যতম প্রধান সময়। এই সময়ছোৱাত প্ৰতিটো ক্ষণেই সদব্যৱহাৰ কৰিবলৈ শিকিব লাগে। আমি নিজৰ কৰ্তব্য ভালদৰে পালন কৰিলেহে ভৱিষ্যতৰ এজন সু-নাগৰিক হ’ব পাৰিম। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

ছাত্ৰ জীৱনত আমাৰ কৰ্তব্য || Our duty in student life Read More »

The strange world of Insects

পতংগৰ বিচিত্র জগত || The strange world of Insects

Leave a Comment / Interesting Facts ( আকৰ্ষণীয় তথ্য ) /

Interesting Facts পতংগৰ বিচিত্র জগত || The strange world of Insects পৃথিৱীৰ প্ৰতিটো চুকে কোণে পতংগ বিৰাজমান। নদ, নদী, হ্ৰদৰ পাৰ, অন্ধকাৰময় গভীৰ স্থানত, আমাৰ আশেপাশে এই সকলোতে এইবিধ জীৱ পোৱা যায়। তাৰে কিছুমান থাকে আকাশত কিছুমান থাকে বতাহত আৰু কিছুমান থাকে পানীৰ মাজত। কিছুমান পতংগ ইমানেই ক্ষুদ্র যে সিহঁতক খালী চকুৰে দেখাই পোৱা নাযায়। সাধাৰণতে আমি দেখা পতংগৰ ভিতৰত পৰুৱা, মৌ মাখি আদি শক্তিশালী পতংগ। এটা মৌ মাখিয়ে প্রতি চেকেণ্ডত এহেজাৰ বাৰ পাখি কোবাব পাৰে। প্ৰাচীন সৰীসৃপ বিলাকতকৈ বহু নিযুত বছৰৰ আগৰে পৰাই পতংগবোৰে পৃথিৱীত বাস কৰি আহিছে। পতংগ মানেনো কি? পতংগ মানে হ’ল তিনিটা অংশ বিশিষ্ট এটা দেহ, মূৰ, বুকু আৰু পেট থকা এবিধ জীৱ৷ ইহঁত অমেৰুদণ্ডী আৰু সন্ধি থকা সন্ধিপদী বা আৰ্থপ’ডা পৰ্বৰ অন্তৰ্গত। পতংগবোৰ বিভিন্ন আকাব বা আকৃতিৰ। ইহঁতৰ মাজৰে কিছুমানক আকৌ অনুবীক্ষণ যন্ত্ৰৰে চালেহে দেখা যায়। পতংগই পুঞ্জাক্ষী নামৰ এক অংগৰ সহায়ত মূৰটো নুঘূৰোৱাকৈয়ে কেইবা দিশেও লক্ষ্য কৰিব পাৰে। পতংগৰ মূৰৰ ওপৰত দুডাল শুং থাকে। এই শুং দুডালৰ সহায়ত পতংগই স্পৰ্শ, স্বাদ আৰু গোন্ধ পায়। পতংগৰ দেহত ছটাকৈ ঠেং আৰু উৰিবলৈ দুখন পাখি থাকে। অধিক সংখ্যক পতংগৰ ক্ষেত্ৰত এনে হোৱা দেখা যায়। (অৱশ্যে সকলো পতংগৰ ক্ষেত্ৰত নহয়।) পতংগৰ সীমিত সংখ্যকৰহে কাণ আছে। শ্রৱণেন্দ্ৰিয় থকা পতংগৰ ভিতৰত ফৰিং, উইচিৰিঙা, ফৰিঙৰ লগত সাদৃশ্য থকা যথ। আমেৰিকাত থকা এবিধ পতংগ, জিলি আৰু কাকতী ফৰিং বুলি জনাজাত, মূৰত শিঙৰ দৰে এটা চুটি অংগ থকা ফৰিং বিধৰ পেটৰ কাষত শুনিবৰ কাৰণে অংগ থাকে। আনহাতে প্রায়বিলাক পতংগৰ গাত কিছুমান নোম থাকে। আৰু যেতিয়া সেইবোৰ কঁপি উঠে তেতিয়া সিহঁতে গম পায় যে কিবা এটা সিহঁতৰ ফালে আগুৱাই আহিছে। শব্দ সম্পর্কে জানিবলৈ সিহঁতে শুং কেইডাল ব্যৱহাৰ কৰে। আমি ফৰিং বা উইচিৰিঙাই চেঁচেয়াই গীত জোৰা শুনিছোঁ। মতা উঁইচিৰিঙাই মাটিত লেপেটা খাই তাৰ আগ পাখি দুখনি ঘঁহাই গীতৰ সৃষ্টি কৰে। মতা উইচিৰিঙাটোবে মাইকী জনীক কাষলৈ মাতিবলৈ তেনেদৰে চিঞৰে। উঁই চিৰিঙাৰ কাণ আছে কাৰণে মাইকী উঁইচিৰিঙাজনীয়েও তালৈ সঁহাৰি জনায়। পৰুৱা, উই পোক, মৌ মাখিৰ দৰে কিছুমান পতংগ সামাজিক পতংগ বোলা হয়। কিয়নো সিহঁতে দল বান্ধি কাম কৰি ভাল পায় ৷ সকলো জীৱিত প্ৰাণীৰ দৰে পতংগয়ো পৃথিৱীলৈ উল্লেখযোগ্য বৰঙণি আগবঢ়াইছে। এজোপা উদ্ভিদৰ পৰা আন এজোপা উদ্ভিদলৈ ৰেণু কঢ়িয়াই নিয়াত বিভিন্ন পখিলা জাতীয় পতংগই অংশ গ্ৰহণ কৰে গুবৰুৱাৰ দৰে কিছুমান পতংগই উদ্ভিদ অনিষ্টকাৰী ভক্ষকৰ পৰা বাগিছা খনক ৰক্ষা কৰে। তাৰ উপৰিও পাট পলুৱে স্তা দি মানুহক প্রত্যক্ষভাৱে সহায় কৰে। আনকি পৰুৱাৰ দৰে কিছুমান প্ৰাণীয়ে মৃতপ্ৰাণী আৰু পেলনীয়া বস্তু টানি খায়, জাবৰ চাফা কৰাত সহায় কৰে। মুঠৰ ওপৰত প্ৰাকৃতিক জগতখনত পতংগই আদান-প্ৰদানৰ যোগেদি পৰস্পৰৰ ওপৰত নিৰ্ভৰশীলতা গঢ়ি তোলে। সেই কাৰণেই পতংগ বিলাক এই জগতৰ অবিচ্ছেদ্য অংগ। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

পতংগৰ বিচিত্র জগত || The strange world of Insects Read More »

Chocholate

চকলেটৰ মিঠা ইতিহাস || Sweet History of Chocolate

Leave a Comment / History (ইতিহাস) /

History চকলেতৰ মিঠা ইতিহাস || Sweet History of Chocolate চকলেতৰ ব্যৱহাৰ সভ্য সমাজত প্ৰথম আৰম্ভ হয় স্পেইনত। আমেৰিকা আৱিষ্কাৰৰ পাছত স্পেইনৰ বহু মানুহ গৈ তাত বসতি স্থাপন কৰে। সেই সময়ত তেওঁলোকৰ দৃষ্টিগোচৰ হ’ল যে, মেক্সিকোৰ স্থানীয় নিবাসীসকলে এবিধ ফলৰ বীজৰ পৰা পানীয় তৈয়াৰ কৰি খায়। চলিত ভাষাত সেই গছজোপাৰ নাম ‘চকোলেতল’। দিনটোৰ অশেষ পৰিশ্ৰমৰ অন্তত সেই পানীয় সেৱন কৰিলে তেওঁলোকৰ ক্লান্তি দূৰ হয়। এই খবৰ উদ্ধাৰ কৰাৰ পাছত স্পেইনবাসী অতি আনন্দিত হ’ল। তেওঁলোকে আমেৰিকাৰ পৰা এই ক্লান্তি দূৰকাৰী ফলবিধ সংগ্ৰহ কৰি জাহাজত বোজাই কৰি নিজদেশলৈ পঠিওৱা আৰম্ভ কৰিলে৷ স্পেইনত সেইবোৰৰ পৰা পানীয় তৈয়াৰ কৰি বজাৰত বিক্ৰী কৰা আৰম্ভ হৈছিল। ইংলেন্দত প্রথম চকলেত কাৰখানা প্রতিষ্ঠা হয় ১৭৩০ চনত ব্ৰিস্তলত ‘ফ্রাই এন্দ চন্স’ কোম্পানীৰ দ্বাৰা। ১৭৭৬ চনত পেৰিচত প্ৰথম ‘চকোলেচিয়াৰ ৰয়েল’ আৰু জাৰ্মানীত স্তিন হান্ত নামৰ এজন ব্যক্তিয়ে ১৭৫৪ চনত সৰ্বপ্ৰথম চকলেতৰ কাৰখানা খোলাৰ কথা জনা যায়। বহুতে চুইজাৰলেন্দৰ ভেঙিত ১৮১৯ চনত চকলেত প্রথম উৎপাদন কৰা হয় বুলি ক’ব খোজে। ১৮২৬ চনত ইলেন্দত চকলেত লজেন্স প্ৰস্তুত কৰি ক্লান্তি নিৰাময়ৰ ঔষধৰূপে ব্যৱহাৰ কৰা হৈছিল। ১৮৪২ চনত জন কেদ্‌বেৰিয়ে বার্মিংহামত ‘ফ্রেন্স ইতিং চকলেত’ নামৰ চকলেত প্ৰস্তুত কৰি বিক্ৰী কৰে। প্ৰথম চকলেতৰ বাকচ উলিয়ায় কেবেৰি কোম্পানীয়ে ১৮৬৬ চনত। এই কেদবেৰি চকলেত আজিও জনপ্রিয়। চকোলেতল গছৰ লেতিন নাম হ’ল – The cloroma cocao। সাধাৰণতে এই গছবোৰ ২৫-২৬ ফুত ওখ হয়। কেতিয়াবা ৪০ ফুত ওখ হোৱাও দেখা যায়। চকলেতৰ প্ৰস্তুত প্ৰণালী কিছু জটিল। প্রথমে চকলেত লিকাৰ প্ৰস্তুত কৰি পাছত ঘন অৱস্থাত চকলেত ‘বাৰ’ তৈয়াৰ কৰা হয়। চকলেত বাৰৰ লগত নানা উপকৰণ, যেনে – চেনি, চকলেত বাতাৰ ইত্যাদি মিহলোৱা হয়। শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

চকলেটৰ মিঠা ইতিহাস || Sweet History of Chocolate Read More »

albert einstein photo

নিউয়ৰ্কৰ হোটেলত বাট হেৰুওৱা ল’ৰাজন || The boy who lost his way in a hotel in New York

Leave a Comment / Biography /

Biography নিউয়ৰ্কৰ হোটেলত বাট হেৰুওৱা ল’ৰাজন || The boy who lost his way in a hotel in New York জার্মানিৰ এক মধ্যবিত্ত ইহুদি পৰিয়ালত জন্ম গ্ৰহণ কৰিছিল তেওঁ। জন্মৰ সময়ত শিশুটিৰ দেহৰ তুলনাত মূৰটো অত্যধিক ডাঙৰ আছিল; সেয়ে শিশুটিক লৈ কিছু আহুকালত পৰিছিল মাকদেউতাক। কাৰণ ল’ৰাটিৰ সাধাৰণ শিশুতকৈ বহু পলমকৈ মাত-কথা ফুটিছিল। প্রায় ন বছৰ বয়সলৈকে তেওঁ শব্দ উচ্চাৰণ কৰিব পৰা নাছিল । কেৱল সেয়াই নহয় কেথলিক স্কুলৰ পাঠ্যপুথিৰ বিষয়ৰ প্ৰতি তেওঁৰ বৰ বিশেষ আগ্রহ নাছিল। ল’ৰাটিৰ এনে আচৰণৰ বাবে বহুতে তেওঁক মানসিক প্রতিবন্ধী বুলিও ভাবিছিল। তেওঁ শৈশৱৰ বেছি ভাগ সময় বেহেলা বজাই কটাইছিল। সেয়ে তেওঁৰ ল’ৰালিকাল আন দহজন শিশুৰ দৰে নাছিল। পাঁচ বছৰ বয়সত তেওঁ দেউতাকৰ হাতত সৰু এডাল কম্পাচ দেখি বিস্ময়াবিভূত হৈ পৰে আৰু সেইদিন ধৰি তেওঁ মহাকাশবিদ্যাৰ প্ৰতি প্রবলভাবে আকৃষ্ট হৈ পৰে।  আপোনালোকে বাৰু জানানে মই কাৰ কথা কৈ আছোঁ? ওঁ। হয়, ঠিকেই ধৰিছে, মই সেই বিশ্ববিশ্রুত পদার্থবিদ তথা আপেক্ষিকতাবাদ তত্বৰ আবিষ্কাৰক এলবাৰ্ট আইনষ্টাইন(Albert Einstein)ৰ কথাকে কৈছোঁ। মাত্র ১২ বছৰ বয়সতে তেওঁৰ বিজ্ঞান, দৰ্শন আৰু অংকৰ বিভিন্ন গ্রন্থ পঢ়াতো এক প্ৰকাৰ নিচা হৈ পৰে। আইনষ্টাইনে নুবুজালৈকে পাঠ্যপুথিৰ অনেক কথা সুধি বিদ্যালয়ৰ শিক্ষক-শিক্ষয়িত্ৰীক ব্যতিব্যস্ত কৰি তুলিছিল। তেওঁৰ জীৱন যাত্ৰা বৰ মসৃণ নাছিল। ঘাতপ্রতিঘাত, আশা-হতাশা আইনষ্টাইনৰ জীৱনৰ প্ৰতিটো মুহূৰ্ততে সংগী আছিল। সেয়ে তেওঁ ল’ৰালি কালৰে পৰাই জীৱনৰ বাবে সাজু হৈছিল। আইনষ্টাইনৰ দেউতাক এজন চামৰা ব্যৱসায়ী আছিল। ব্যৱসায়ত লোকচান হোৱাৰ বাবে তেওঁলোক সপৰিয়ালে জার্মানি এৰি ইটালিলৈ গুচি আহে। ব্যক্তিগত খেলিমেলিৰ বাবে আই নষ্টাই নে ফেডেলে পলিটেকনিক ইনষ্টিটিউটৰ পৰীক্ষাত উত্তীৰ্ণ হ’ব নোৱাৰিলে। মাক-দেউতাকে আইনষ্টাইনক ইলেক্ট্রনিক অভিযন্তা কৰাৰ যি সপোন পুহি ৰাখিছিল সেয়া নিমিষতে চাৰখাৰ হৈ গ’ল। মনৰ দুখত তেওঁ ইটালি এৰি চুইজাৰলেণ্ডলৈ যায়। তাত ‘মেক্স ইলেক্ট্রনিক থিয়ৰি’ বিষয়ত পঢ়া-শুনা কৰে। উল্লেখযোগ্য যে ১৯০০ চনত ফেডেৰেল পলিটেকনিক ইনষ্টিটিউটে  ‘শিক্ষক’ হিচাপে আইনষ্টাইনক স্বীকৃতি দিয়ে। ইয়াৰ পিছতে তেওঁৰ ‘কেপলাৰ বল’ৰ ওপৰত প্ৰথমখন গবেষণা পত্র প্রকাশ হয়। লগে লগে তেওঁ এগৰাকী পদার্থ বিজ্ঞানী হিচাপে জনাজাত হৈ পৰে। আইনষ্টাইনৰ জীৱন টোকাঃ জন্মঃ ১৪ মার্চ, ১৮৭৯ চন, জার্মানি। । নাগৰিকত্ব : জার্মানি, চুইচ, (চইজাৰলেণ্ড) মার্কিন। কর্মক্ষেত্র : পদার্থবিজ্ঞান। কর্মক্ষেত্ৰৰ প্ৰতিষ্ঠান: টুইচ পেটেন্ট হাউচ, জুৰিখ বিশ্ববিদ্যালয়, চার্লচ বিশ্ববিদ্যালয়, ফাইজাৰ উইলহেম প্রতিষ্ঠান আৰু লেইডেন বিশ্ববিদ্যালয়।  আৱিষ্কাৰঃ জেনেৰেল ৰিলেটিভিটি তত্ত্ব, স্পেশ্যাল রিলেটিভিটি তত্ত্ব, কেপলাৰ ফ’ৰ্ট ব্রাউনিয়ান মোশান, ফটো ইলেকট্রিক এফেক্ট। পুৰস্কাৰ : পদার্থ বিজ্ঞানত নবেল বঁটা, কপালি মডেল, মার্ক্স প্লাংক মেডেল। মৃত্যু : ১৮ এপ্রিল, ১৯৫৫ চনত নিউজিাৰ্চিত। জীৱন, সংগ্রাম, স্বীকৃতি ইত্যাদি ল’ৰালি কালৰ পৰাই নিয়ম ভঙা আচৰণৰ বাবে শিক্ষকৰ ৰোষত পৰিছিল আইনষ্টাইন। যাৰ বাবে পৰবৰ্তী সময়ত শিক্ষকৰ চাকৰি পাবৰ বাবেও সংগ্রাম কৰিব লগা হৈছিল। বহুতৰ ওচৰত খাতিৰ-বাতিৰ কৰাৰ মূৰতহে যেনিবা এদিন বন্ধু এজনৰ সহায়ত ‘টেকনিকেল এগজিমিনাৰ’ হিচাপে ১৯০২ চনত চাকৰি লাভ কৰে। পিচত অৱশ্যে তেওঁ চুইজাৰলেণ্ডৰ এটি পেটেন্ট অফিচত স্থায়ী চাকৰি পাবলৈ সক্ষম হয়। ১৯০৩ চনত তেওঁ এগৰাকী গণিতজ্ঞক বিয়া কৰায়। বিয়া কৰালেও তেওঁলোকৰ মাজত বৰ বিশেষ সম্পর্ক নাছিল, কাৰণ দুয়োজনে গবেষণাৰ মাজত ব্যস্ত থাকিহে বেছি ভাল পাইছিল। ইয়াৰ মাজতে তেওঁলোকৰ মাজলৈ তিনিটি সন্তান আহিছিল। তাৰে এজন মানসিকভাবে সুস্থ নাছিল। এই মানসিক প্রতিবন্ধী সন্তানটিক লৈ আইনষ্টাইন বৰ চিন্তাত পৰিছিল। অৱশ্যে সেই বুলি তেওঁ মৰমবিহীন নাছিল। জীৱনৰ এনে অস্থিৰতাৰ পৰা মানসিক শান্তি বিচাৰি ঘন্টা ঘন্টা ধৰি তেওঁ বেহেলা বজাইছিল। ইয়াৰ মাজতে ১৯০৫ চনত তেওঁক জুৰিখ বিশ্ববিদ্যালয়ে ডক্টৰেট উপাধি প্ৰদান কৰে। লগে লগে তেওঁৰ পদাৰ্থ বিজ্ঞানৰ ওপৰত তিনিখন গবেষণা পত্র প্রকাশ পায়। বহুতৰ মতে আইনষ্টাইনৰ আটাইকেইখন গবেষণা পত্রই নবেল পুৰষ্কাৰ পোৱাৰ যোগ্য। কিন্তু আইনষ্টাইনে এই স্বীকৃতি নাপালে। জীৱনৰ চৰম বিপদৰ ধুমুহাৰ মুহূৰ্ততো ভাঙি পৰা নাছিল তেওঁ। ১৯০৬ চনত তেওঁ পদোন্নতিৰ জৰিয়তে দ্বিতীয় শ্রেণীৰ অভিযন্তা হয়। সেই সময়তে আকাশৰ ৰং কিয় নীলা হয় সেয়া তেওঁ গবেষণা কৰি সকলোকে বুজাই দিয়ে। ১৯১১ চনত আইনষ্টাইনে প্রথমবাৰৰ বাবে জুৰিখ বিশ্ববিদ্যালয়, তাৰ পিছত চাৰ্লছ বিশ্ববিদ্যালয়ত অধ্যাপনা কৰে। পৰৱৰ্তী সময়ত তেওঁ প্ৰুচিয়াৰ নাগৰিকত্ব গ্রহণ কৰে। উল্লেখযোগ্য যে আইনষ্টাইনে অধ্যাপনাৰ বাবে এখন দেশৰ পৰা আন্য এখন দেশলৈ ঘূৰি ফুৰিব লগা হোৱাৰ বাবে মানসিক শান্তি লাভ কৰিব পৰা নাছিল। এনে বহু অস্থিৰতাৰ মাজতো কিন্তু আইনষ্টাইনৰ বিজ্ঞানৰ প্রতি ভালপোৱা অকণমানো কমা নাছিল। ১৯১৪ চনৰ পৰা ১৯৩৩ চনলৈ তেওঁ বাৰ্লিনৰ ‘কাইজাৰ উইলহেম ইনষ্টিটিউটৰ’ সঞ্চালক হিচাপে কাম কৰে। ইয়াৰ মাজতে ১৯২০ চনৰ পৰা ১৯৪৬ চনলৈ তেওঁ নেইডান বিশ্ববিদ্যালয়ত অতিথি অধ্যাপক হিচাপে পঢ়ুৱাই ছিল। ১৯১৫ চনত আই নষ্টাইনে ফিল্ড ইকুৱেচন আবিষ্কাৰ কৰাৰ লগতে নিউটনৰ মধ্যাকর্ষণ তত্বক প্রত্যাহ্বান জনায়। অৱশ্যে বহু বিজ্ঞানীয়ে আইনষ্টাইনৰ এই আবিষ্কাৰ মিছা বুলি উৰুৱাই দিছিল। ডেকা বয়সত এলবাৰ্ট আইনষ্টাইন অতিবাস্তব বুলি তেওঁলোকে মানি লোৱা নাছিল। কিন্তু ইয়াৰ পিছতো আইনষ্টাইন হতাশ হোৱা নাছিল। অৱশ্যে এনে সময়তে তেওঁৰ ব্যক্তিগত জীৱনৰ নানা সমস্যাই দেখা দিয়ে। ১৯১৯ চনত তেওঁৰ প্ৰথমা পত্নী মিলেভাৰ স’তে বিবাহ বিচ্ছেদ হয়। এই দুখদায়ক ঘটনাৰ শূন্যতা দূৰ কৰিবলৈ তেওঁ এলচাক বিয়া কৰায়। ইয়াৰ পিচতে আইনষ্টাইনে তেওঁৰ নতুন আবিষ্কাৰ আপেক্ষিকতাবাদ সূত্ৰৰ বিষয়ত বক্তৃতা দিবলৈ নিউয়ৰ্কলৈ যায়। সেই বছৰতে তেওঁ ‘ফটো ইলেক্ট্রিক এফেক্ট’ অর্থাৎ পোহৰ কণাৰ প্ৰভাৱৰ বাবে চুইচ অকাডেমীৰ নবেল পুৰষ্কাৰ লাভ কৰে। এইখিনিতে আপোনালোকক জনাই থওঁ যে আইনষ্টাইনে তেওঁৰ সেই পৃথিৱী বিখ্যাত আপেক্ষিকতাবাদ সূত্ৰৰ বাবে নবেল পুৰষ্কাৰ নাপালে, পালে অন্য বিষয়তহে। ১৯২৪ চনত আইনষ্টাইনে ভাৰতৰ বিজ্ঞানী ড° সত্যেন্দ্ৰনাথ বসুৰ স’তে যৌথভাবে ‘বসু আইনষ্টাইন থিয়ৰী’লিখি উলিয়ায়। এই তত্ব অনুসৰি তেওঁলোকে দেখুৱায় যে পোহৰ আচলতে আন একো নহয় ই ‘ফোটন’ নামৰ অতি ক্ষুদ্রাতিক্ষুদ্র কণাৰ পৰাহে সৃষ্ট। অতি আচৰিত ঘটনা হ’ল আইনষ্টাইনৰ পৃথিৱীজোৰা খ্যাতিৰ সময়তে তেওঁ ইহুদি হোৱাৰ বাবে হিটলাৰৰ নাজি বাহিনীৰ উপদ্ৰৱত জার্মানিৰ পৰা পলায়ন কৰিবলগীয়া হয়। ১৯৪০ চনত তেওঁ মার্কিন যুক্তৰাষ্ট্ৰৰ নাগৰিকত্ব গ্রহণ কৰে। ১৯৫২ চনত ইজৰাইল চৰকাৰে আইনষ্টাইনক দ্বিতীয় গৰাকী ৰাষ্ট্ৰপতিৰ পদ যাচে যদিও তেওঁ ইজৰাইলৰ নীতিক ভাল নোপোৱাৰ বাবেই প্রস্তাব প্রত্যাখ্যান কৰে। ১৯৫৫ চনত নিউজাৰ্চিত এইগৰাকী বিশ্বপ্ৰসিদ্ধ প্রবাদপ্রতিম বিজ্ঞানীৰ মৃত্যু হয়। মৃত্যুৰ সময়ত বিশ্ববিশ্রুত বিজ্ঞানীগৰাকীৰ কাষত এগৰাকী নাৰ্চৰ বাহিৰে আন কোনোৱেই নাছিল। সঁচাকৈ জীৱন কি আচৰিত! জীৱনৰ খ্যাতিৰ সময়ত তেওঁৰ গুণমুগ্ধৰ অভাব নাছিল অথচ মৃত্যুৰ সন্ধিক্ষণত মানুহ কিমান নিসংগ হৈ মৃত্যুক সাবতি ল’বলগীয়া হয় ! উল্লেখযোগ্য কথাটো হ’ল আইনষ্টাইনৰ মগজু পৰীক্ষা কৰি চিকিৎসকসকলে দেখা পাইছিল যে তেওঁৰ মগজুত ‘পেৰিয়েটাল অপাৰকিউলিয়াম ৰিজিয়ন’ নামৰ অংশটো নাছিল৷ তাৰ পৰিৱৰ্তে আইনষ্টাইনৰ মগজুত আমাৰ মগজুত থকা হিচাব-নিকাচৰ বা অংক কৰা যি নিউৰো কোষ’ সেয়া আনতকৈ ১৫ শতাংশ বেছি আছিল৷ তদুপৰি আইনষ্টাইনৰ মগজুত সাধাৰণ মানুহৰ মগজুতকৈ ‘গ্লিয়াল কোষ’ ৭৩ শতাংশ বেছি আছিল। গতিকে ক’ব পাৰি যে এই অংশ নথকা হ’লে আই নষ্টাই ন আজিৰ আই নষ্টাই নহ’ব নোৱাৰিলেহেঁতেন৷ গবেষণাৰ পৰা বিজ্ঞানীসকলে এই তথ্য লাভ কৰিছে যে আমি যাক অত্যন্ত মেধাবী বা বুদ্ধিমান মানুহ বুলি কওঁ তেওঁলোকৰ মগজু মাত্র ৭ শতাংশ ব্যৱহাৰ হয়। সম্প্রতি আমেৰিকাই গবেষণা চলাই আছে আইনষ্টাইনৰ ক্ষেত্ৰত কিমান শতাংশ ব্যৱহাৰ হৈছিল – এই সম্পর্কত। ৰবীন্দ্ৰ নাথ ঠাকুৰৰ সৈতে এলবাৰ্ট আইনষ্টাইন স্বীকৃতি আৰু গবেষণা প্ৰতিটো নতুন আবিষ্কাৰৰ বাবে আইনষ্টাইনে তেওঁৰ সমগ্ৰ জীৱন উৎসর্গা

নিউয়ৰ্কৰ হোটেলত বাট হেৰুওৱা ল’ৰাজন || The boy who lost his way in a hotel in New York Read More »

Florence Nightingale

Florence Nightingale: The Lady with the Lamp in Assamese

Leave a Comment / Biography /

Biography Florence Nightingale: The Lady with the Lamp in Assamese ফ্লোৰেঞ্চ নাইটিংগেল (Florence Nightingale)ৰ জন্ম হৈছিল ১৮২০ চনত ইটালীৰ ফ্লোৰেঞ্চ নগৰীত৷ ফ্লোৰেঞ্চ ভাগ্যৱতী বুলিয়ে ক’ব লাগিব। কাৰণ জন্মৰ পিছত অভাৱ-অনাটন কাক বোলে, অভাৱগ্ৰস্ত মানুহৰ অৱস্থা কেনেকুৱা আদি কথৰ ফ্লোৰেঞ্চে ভুকে পোৱা নাছিল। মাক-দেউতাকে ফ্লোৰেঞ্চক সৰুৰে পৰাই শিক্ষিতা কৰি তুলিছিল। ইটালীৰ ফ্লোৰেঞ্চত জন্মগ্রহণ কৰা ফ্লোৰেঞ্চ নামৰ ইংৰাজ ছোৱালীজনী সোতৰ বছৰ বয়সত ১৮৩৭ চনত মাক-দেউতাকৰ লগত লণ্ডনলৈ আহে। আনৰ বাবে যি অসম্ভৱ তাক সম্ভৱ কৰি তোলাটোৱেই আছিল ফ্লোৰেঞ্চৰ জীৱনৰ লক্ষ্য। সেয়ে, জামাৰ্নীত ভালেমান দিন থাকি তেওঁ শুশ্রূষাকাৰিণীৰ বাবে আৱশ্যকীয় সকলো জ্ঞান আহৰন কৰে। হাস্পাতালত প্রশিক্ষণ গ্ৰহণৰ উদ্দেশ্যে ১৮৫৩ চনত তেওঁ ফ্ৰান্সৰ ৰাজধানী পেৰিছলৈ যায়। প্রয়োজনীয় শিক্ষা আহৰণ কৰাৰ পিছত মহিলাৰ হাস্পাতাল এখনত পৰিদৰ্শিকাৰ কামত যোগদান কৰে। Also Read ব্ৰুছ লী নামৰ এজন কিংবদন্তীৰ অতুলনীয় জীৱন যাত্ৰা Incomparable Life Journey of a Legend called Bruce Lee বিপ্লৱী কবি নাজিম হিকমত Revolutionary Poet Nazim Hikmet ইং ১৮৫৯ চনত চেন্ট টমাছ হাস্পতালত ফ্লোৰেঞ্চ নাইটিংগেলৰ তত্ত্বাৱধানত এটি নাৰ্ছিংস্কুল প্রতিষ্ঠা হয়। এই স্কুলত পাঠদান আৰু প্ৰশিক্ষণৰ জৰিয়তে তেওঁ ইংৰাজী নাৰীক শুশ্রূষাকাৰিণী হিচাপে বৃত্তি গ্ৰহণ কৰিবলৈ প্ৰেৰণা যোগায়। তেওঁৰ যত্নতেই ভালেমান সম্ভ্রান্ত ঘৰৰ জীয়ৰীও শুশ্রূষাকাৰিণী বৃত্তি গ্ৰহণ কৰিবলৈ আগবাঢ়ি আহিছিল। ইং ১৯১০ চনত ১৩ আগষ্ট তাৰিখে এই মহিয়সী নাৰীৰ মৃত্যু হয়। মৃত্যুৰ বয়স আছিল ৯০ বছৰ। মৃত্যুৰ তিনিবছৰ আগেয়ে ইংৰাজ চৰকাৰে অৰ্ডাৰ অৱ মেৰিট সন্মানেৰে তেওঁক বিভূষিত কৰে। অৰ্ডাৰ অৱ মেৰিট ৰাজকীয় সন্মান লাভ কৰা কুমাৰী ফ্লোৰেঞ্চ নাইটিংগেলেই আছিল প্রথম নাৰী। Florence Nightingale Florence Nightingale About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

Florence Nightingale: The Lady with the Lamp in Assamese Read More »

Ananya

অনন্যাৰ উদ্ভিদ পৰিৱৰ্তন: এগৰাকী অসমীয়া ছোৱালীৰ কাহিনী || Ananya’s Botanical Transformation: Story of an Assamese girl

Leave a Comment / Short Story ( চুটি গল্প ) /

এসময়ত অসমৰ নিস্তব্ধ উপত্যকাত অনন্যা নামৰ এগৰাকী কণমানি ছোৱালী বাস কৰিছিল। তাইৰ পৃথিৱীখন চকুৱে দেখা পোৱালৈকে বিস্তৃত হৈ থকা ৰসাল চাহ বাগিচাবোৰৰ চাৰিওফালে ঘূৰি আছিল। অনন্যাৰ পৰিয়ালে প্ৰজন্মৰ পিছত প্ৰজন্ম ধৰি চাহ বাগিচাত কাম কৰিছিল, পৃথিৱীৰ বিভিন্ন ঠাইৰ চাহকাপৰ বাবে বাট বিচাৰি পোৱা মিহি পাতবোৰ ছিঙিছিল। এদিন কুঁৱলীময় ৰাতিপুৱা অনন্যাই পথাৰলৈ ৰাওনা হওঁতে চাহ জোপোহাৰ মাজত সোমাই থকা এটা অদ্ভুত উদ্ভিদ লক্ষ্য কৰিলে। তাৰ জীৱন্ত ফুলবোৰ সেউজীয়াৰ সাগৰৰ বিপৰীতে থিয় হৈ আছিল। কুটিল হৈ তাই চাহ গছবোৰক যি সমৰ্পণ দিছিল, সেই সমৰ্পণেৰে পানী দি তাৰ যত্ন লোৱাৰ সিদ্ধান্ত ল’লে। দিনবোৰ সপ্তাহলৈ পৰিণত হ’ল আৰু এসময়ৰ সৰু গছজোপা এটা উশাহ লোৱাৰ দৰে ধুনীয়া ফুললৈ ৰূপান্তৰিত হ’ল। অনন্যাৰ এই অসাধাৰণ আৱিষ্কাৰৰ খবৰ বিয়পি পৰিল, ওচৰৰ গাঁৱৰ দৰ্শনাৰ্থীক আকৰ্ষণ কৰিলে। চাহ বাগিছাৰ একাগ্ৰতা ভাঙি ফুলটো হৈ পৰিল আশা আৰু সৌন্দৰ্য্যৰ প্ৰতীক। ফুলৰ খ্যাতি বাঢ়ি অহাৰ লগে লগে অনন্যাৰ আত্মাও বাঢ়ি আহিল। তাই উপলব্ধি কৰিলে যে দৈনন্দিন জীৱনৰ ৰুটিনৰ মাজতো অভাৱনীয় ঠাইত সৌন্দৰ্য্য বিচাৰি পোৱা যায়। এসময়ত অৱহেলিত চাহ বাগিচাৰ চুকবোৰ বিভিন্ন উদ্ভিদ আৰু ফুলৰ আশ্ৰয়স্থল হৈ পৰিল, বাগিচাখনক উদ্ভিদ বিজ্ঞানৰ আশ্চৰ্য্যলৈ ৰূপান্তৰিত কৰিলে। অনন্যাই অনন্য ফুলটোক লালন-পালন কৰাৰ সৰু কাৰ্য্যই কেৱল প্ৰাকৃতিক দৃশ্যই নহয়, সমাজৰ মানসিকতাও ৰূপান্তৰিত কৰিছিল। এসময়ত কেৱল কৰ্মক্ষেত্ৰ হিচাপে দেখা চাহ বাগিচাবোৰ এতিয়া প্ৰকৃতি আৰু সৌন্দৰ্য্যৰ সহাৱস্থানৰ স্থানত পৰিণত হ’ল। আৰু সেইবাবেই অসমৰ বুকুত অনন্যাৰ কাহিনীয়ে চাহ বাগিচাবোৰৰ মাজেৰে প্ৰতিধ্বনিত হৈছিল, সকলোকে সোঁৱৰাই দিছিল যে কেতিয়াবা, সাধাৰণত অসাধাৰণতাক উন্মোচন কৰিবলৈ মাথোঁ এটা মুহূৰ্তৰ কৌতুহল আৰু যত্নৰ প্ৰয়োজন। #Ananya #Ananya’s Garden #Assamese Girl #AssamTeaGarden #Gyanodaya শিৱাংগ কুমাৰ গগৈ Writer & Blogger Posts of this Author

অনন্যাৰ উদ্ভিদ পৰিৱৰ্তন: এগৰাকী অসমীয়া ছোৱালীৰ কাহিনী || Ananya’s Botanical Transformation: Story of an Assamese girl Read More »