ভাৰত-পাকিস্তানৰ উত্তেজিত সম্পৰ্কৰ মাজতে ভাৰত আৰু ফ্ৰান্সে সোমবাৰে দিল্লীত ২৬খন ৰাফেল(Rafale) মেৰিন যুঁজাৰু বিমানৰ বাবে ৬৩ হাজাৰ কোটি টকাৰ চুক্তিত স্বাক্ষৰ কৰে। ভাৰতীয় পক্ষক প্ৰতিনিধিত্ব কৰে প্ৰতিৰক্ষা সচিব ৰাজেশ কুমাৰ সিঙে, আনহাতে নৌসেনাৰ উপ মুৰব্বী ভাইচ এডমিৰেল কে স্বামীনাথনও উপস্থিত থাকে। ইয়াৰ পূৰ্বে ফ্ৰান্সৰ প্ৰতিৰক্ষা মন্ত্ৰীগৰাকীয়ে স্বাক্ষৰ অনুষ্ঠানত অংশগ্ৰহণ কৰিবলৈ ওলাইছিল যদিও ব্যক্তিগত কাৰণত তেওঁ ভ্ৰমণ বাতিল কৰিবলগীয়া হৈছিল। অৱশ্যে স্বাক্ষৰ অনুষ্ঠানত উপস্থিত থাকে প্ৰতিৰক্ষা মন্ত্ৰী ৰাজনাথ সিং।