bihu

ৰঙালী বিহুৰ কথা || About the Rangali Bihu

Leave a Comment / Common Writings ( সাধাৰণ লিখনি ) /

about the Rangali Bihu about the Rangali Bihu about the Rangali Bihu Common Writings ৰঙালী বিহুৰ কথা আমাৰ অসমৰ সকলো ধৰ্মৰ, সকলো মানুহে স্বতঃস্ফুর্তভাৱে পালন কৰা উৎসৱেই হ’ল জাতীয় উৎসৱ বিহু। বিহু অসমীয়া জাতিৰ উমৈহতীয়া উৎসৱ। সকলো ধৰ্মৰ মানুহে এই উৎসৱ পালন কৰে। বিহুনাম শুনিলেই অসমৰ মানুহৰ মন প্ৰাণ নাচি উঠে আৰু আনন্দত নধৰা হয়। জাতীয় উৎসৱৰ যোগেদি জাতিৰ আচাৰ বিচাৰ আৰু সভ্যতা সংস্কৃতিৰ বিকাশ সাধন হয়। কেতিয়াৰ পৰা আৰু কেনেকৈ আমাৰ অসমত বিহুৰ প্ৰচলন হ’ল তাক সঠিককৈ জনা নাযায় যদিও বিহু অসমত বাস কৰা নানা প্রজাতি মানুহৰ ঐক্যৰ এনাজৰী। বিহু তিনিটা বহাগ বিহু, মাঘ বিহু আৰু কাতি বিহু। বহাগ বিহু অসমৰ সকলো জাতিৰ লোকে নানা ৰং ধেমালীৰ মাজেৰে পালন কৰে বাবে ইয়াক ৰঙালী বিহু বুলি কোৱা হয়। চতৰ শেষৰ দিনটোৰ পৰা বহাগৰ ছয় তাৰিখলৈকে সাতদিন জুৰি ৰঙালী বিহু উদযাপন কৰা হয়। ৰঙালী বিহুৰ প্ৰথম দিনা গৰু বিহু বোলে। সেইদিনা ৰাতিপুৱা গৰুক মাহ হালধি ঘহি গা ধুৱাই লাউ-বেঙেনা আদি খাবলৈ দিয়ে আৰু সেইদিনা নতুন তৰা আৰু মৰাপাটৰ ন-পঘাৰে গৰুবোৰ বন্ধা হয়। পিচদিনা অসমীয়াৰ অতি আদৰৰ বাপতি সাহোন স্বৰূপ মানুহ বিহুক আদৰিবলৈ সকলো মানুহে গা-পা ধুই নতুন সাজ পিন্ধে। ৰঙালী বিহুত মৰমৰ চিন স্বৰূপে প্রিয়জনক নতুন গামোচা উপহাৰ দিয়ে। ইয়াক বিহুৱান বুলি কোৱা হয়। এই বিহুত সৰু ডাঙৰ সকলো লোকে নানা ৰং ধেমালীৰে ঘৰে ঘৰে গৈ হুচৰি গায়। আজিকালি অসমৰ বুকুৰ পৰা এই উৎসৱ প্ৰায় লুপ্ত হব ধৰিছে। অসমৰ মানুহে ৰঙালী কি চিনি নোপোৱা অৱস্থা হৈছে। অসমৰ মানুহে পাশ্চাত্য সংগীতহে চিনি পায়। আমাৰ অতি আদৰৰ এই বিহু মাত্ৰ সীমিত সংখ্যক মানুহৰ মাজতহে পালন কৰা দেখা পোৱা যায় ৷ আজিকালি এই বিহু চহৰ মুখী হ’ল কিয়নো নগৰ- চহৰতহে বিহু দেখা পোৱা যায়। অসম তথা অসমীয়া জাতিটোক জীয়াই ৰাখিবলৈ আমি সকলোৱে অতি আদৰৰ বিহুটিক জীয়াই ৰাখিবলৈ যত্ন কৰিব লাগিব। তেতিয়াহে আমি অসমত অসমীয়া বুলি চিনাকী দিব পাৰিম। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

ৰঙালী বিহুৰ কথা || About the Rangali Bihu Read More »

OTT Platform

চৰকাৰে ব্লক কৰা ১৮টা OTT Platformৰ তালিকা

Leave a Comment / Current Affairs /

Current Affairs চৰকাৰে ব্লক কৰা ১৮টা OTT Platformৰ তালিকা এটা ডাঙৰ সিদ্ধান্তত তথ্য আৰু সম্প্ৰচাৰ মন্ত্ৰালয়ে (আই এণ্ড বি) ১৮টা অ’টিটি প্লেটফৰ্ম বন্ধ কৰাৰ এক গুৰুত্বপূৰ্ণ পদক্ষেপ গ্ৰহণ কৰিছে। অশ্লীল বিষয়বস্তুৰ সন্দৰ্ভত এই ব্যৱস্থা গ্ৰহণ কৰা হৈছে। ব্লক কৰা অ’টিটি প্লেটফৰ্মসমূহৰ ভিতৰত আছে ড্ৰিম ফিল্মছ, ট্ৰাই ফ্লিক্স, আনকাট আড্ডাৰ দৰে অ’টিটি প্লেটফৰ্ম। এটা ডাঙৰ সিদ্ধান্তত তথ্য আৰু সম্প্ৰচাৰ মন্ত্ৰালয়ে (আই এণ্ড বি) ১৮টা অ’টিটি প্লেটফৰ্ম বন্ধ কৰাৰ এক গুৰুত্বপূৰ্ণ পদক্ষেপ গ্ৰহণ কৰিছে। মন্ত্ৰালয়ে বিভিন্ন মধ্যস্থতাকাৰীৰ সমন্বয়ত অ’টিটি প্লেটফৰ্ম ব্লক কৰিবলৈ এই পদক্ষেপ গ্ৰহণ কৰিছে। অশ্লীল বিষয়বস্তুৰ সন্দৰ্ভত এই ব্যৱস্থা গ্ৰহণ কৰা হৈছে। ব্লক কৰা অ’টিটি প্লেটফৰ্মসমূহৰ ভিতৰত আছে ড্ৰিম ফিল্মছ, ট্ৰাই ফ্লিক্স, আনকাট আড্ডাৰ দৰে অ’টিটি প্লেটফৰ্ম। আপুনি ইয়াত ব্লক কৰা OTT প্লেটফৰ্মৰ তালিকা চাব পাৰে। ব্লক কৰা OTT প্লেটফৰ্মসমূহৰ তালিকা: Dreams Films Voovi Yessma Uncut Adda Tri Flicks X Prime Neon X VIP Besharams Hunters Rabbit Xtramood Nuefliks MoodX Mojflix Hot Shots VIP Fugi Chikooflix Prime Play এই ৱেবছাইটসমূহো নিষিদ্ধ কৰা হৈছে: অ’টিটি প্লেটফৰ্মৰ উপৰিও মন্ত্ৰালয়ে ১৯টা ৱেবছাইট আৰু ১০টা এপ (গুগল প্লে ষ্ট’ৰত ৭টা, এপল এপ ষ্ট’ৰত ৩টা) নিষিদ্ধ কৰিছে। ইয়াৰ উপৰিও এই প্লেটফৰ্মসমূহৰ সৈতে জড়িত ৫৭টা ছ’চিয়েল মিডিয়া একাউণ্টো ভাৰতত নিষিদ্ধ কৰা হৈছে। মন্ত্ৰালয়ে কিয় নিষেধাজ্ঞা আৰোপ কৰিলে: তথ্য আৰু সম্প্ৰচাৰ মন্ত্ৰালয় (আই এণ্ড বি)কে ধৰি অন্যান্য মন্ত্ৰালয়সমূহে বিশ্বাস কৰিছিল যে এই প্লেটফৰ্মসমূহৰ বিষয়বস্তুৱে শিশুৰ ওপৰত নেতিবাচক প্ৰভাৱ পেলাব পাৰে। যাৰ বাবে এনে মঞ্চত নিষেধাজ্ঞা আৰোপ কৰা হ’ল। ইতিমধ্যে মন্ত্ৰালয়ে এই প্লেটফৰ্মসমূহক অশ্লীল বিষয়বস্তুৰ সন্দৰ্ভত সতৰ্কবাণী দিছিল। তথ্য প্ৰযুক্তি আইন, ২০০০ৰ অধীনত ব্যৱস্থা: তথ্য প্ৰযুক্তি আইন, ২০০০ৰ বিধান অনুসৰি এই মঞ্চসমূহত ব্যৱস্থা গ্ৰহণ কৰা হৈছে। এই সিদ্ধান্তৰ পূৰ্বে আন মন্ত্ৰালয়ৰ সৈতেও আলোচনা কৰা হৈছিল। প্ৰাইমা ফেচিয়ে আই টি আইনৰ ধাৰা ৬৭ আৰু ৬৭এ, আই পি চিৰ ধাৰা ২৯২ আৰু মহিলাৰ অশ্লীল প্ৰতিনিধিত্ব (নিষেধাজ্ঞা) আইন, ১৯৮৬ৰ ধাৰা ৪ উলংঘা হৈছে। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

চৰকাৰে ব্লক কৰা ১৮টা OTT Platformৰ তালিকা Read More »

lose weight

Lose Weight: ওজন হ্ৰাস কৰাৰ সহজ উপায়,নতুন গৱেষণাৰ দাবী || Easy way to lose weight,new research claims || 100% guaranteed

Leave a Comment / Science ( বিজ্ঞান ) /

Science Lose Weight: ওজন হ্ৰাস কৰাৰ সহজ উপায়,নতুন গৱেষণাৰ দাবী Lose Weight: দৈনিক ব্যায়াম কৰিবলৈ বহু লোকৰ সময় নাথাকে। এনে লোকৰ বাবে এক নতুন গৱেষণাত কোৱা হৈছে যে যদি তেওঁলোকে ছুটিৰ দিনতো তীব্ৰ ব্যায়াম কৰে তেন্তে ই তেওঁলোকৰ ওজন কমোৱাত সহায় কৰিব পাৰে। Lose Weight: খাদ্য নিয়ন্ত্ৰণৰ লগতে নিয়মিত ব্যায়াম ওজন হ্ৰাসৰ বাবে গুৰুত্বপূৰ্ণ বুলি কোৱা হৈছে। কিন্তু অবেচিটি জাৰ্নেলত প্ৰকাশিত এক গৱেষণাত কোৱা হৈছে যে সপ্তাহত মাত্ৰ এবাৰ বা দুবাৰ ব্যায়াম কৰিলেও ওজন কমাব পাৰি। গৱেষণাৰ পৰা জানিব পৰা গৈছে যে যদি আপুনি ছুটিৰ দিনত তীব্ৰ ব্যায়াম কৰে তেন্তে দৈনিক ব্যায়ামৰ দ্বাৰা পোৱাৰ দৰে ওজন কমাব পৰা সুবিধাও পাব। গৱেষকসকলে কয় যে তেওঁলোকৰ গৱেষণা এই ধৰণৰ প্ৰথমটো য’ত শাৰীৰিক কাৰ্যকলাপৰ ধৰণ আৰু চৰ্বিৰ কলাৰ ভৰৰ মাজৰ সম্পৰ্ক দেখুওৱা হৈছে। গৱেষকসকলে বিশ্ব স্বাস্থ্য সংস্থাৰ পৰামৰ্শও উল্লেখ কৰিছে যে মানুহে সপ্তাহত কমেও ১৫০ মিনিট মধ্যমীয়া ব্যায়াম কৰিব লাগে। যদি আপুনি সপ্তাহত ৭৫ মিনিট উচ্চ তীব্ৰতাসম্পন্ন শাৰীৰিক কাৰ্য্যকলাপ কৰে, তেন্তে ইয়াক সঠিক বুলি গণ্য কৰা হয়। একেদৰে কোনোবাই যদি দৈনিক ব্যায়াম কৰাৰ পৰিৱৰ্তে সপ্তাহত এবাৰ বা দুবাৰ তীব্ৰ ব্যায়াম কৰে তেন্তে তেওঁ সমান সুবিধা লাভ কৰিব। সপ্তাহত এদিন বা দুদিন ব্যায়াম কৰাটোও ওজন কমাবলৈ উপকাৰী নিজৰ কামৰ বাবে ইমান সময় এৰিব পৰা নাই বহু লোকে। ২০১১ চনৰ পৰা ২০১৮ চনলৈকে ২০ৰ পৰা ৫৯ বছৰ বয়সৰ ৯৬০০ লোকৰ ওপৰত গৱেষকসকলে গৱেষণা কৰিছিল। গৱেষণাৰ পৰা দেখা গৈছে যে সপ্তাহত মাত্ৰ এদিন বা দুদিন ব্যায়াম কৰা লোকসকলৰ ওজনো কমি আহিছিল। এদিন বা দুদিন ব্যায়াম কৰা সকলৰ ওজন দৈনিক ব্যায়াম কৰা সকলৰ সমান হাৰত কমি আহিছিল। গৱেষণাৰ সহ-লেখক স্বাস্থ্য বিজ্ঞানী লিহুয়া জাঙে কয় যে কাৰ্যালয়ত কাম কৰা লোক, বাছ চালক আৰু দীৰ্ঘ সময় বহি থকা লোকসকলে ছুটিৰ দিনত ব্যায়ামৰ দ্বাৰা উপকৃত হয়। তেখেতে কয়, ‘এনে লোকে দৈনিক ব্যায়াম কৰিব নোৱাৰে আৰু প্ৰতিদিনে জিমলৈ যাবলৈও পৰ্যাপ্ত সময় নাপায়। আমাৰ গৱেষণাই তেওঁলোকক বিকল্প প্ৰদান কৰে। তেখেতে কয় যে এনে লোকে ছুটিৰ দিনত দৌৰা, বগাই যোৱা, হাইকিং আৰু চাইকেল চলোৱাৰ দৰে ব্যায়াম কৰিব পাৰে। লাহে লাহে আৰম্ভ কৰক বিশেষজ্ঞসকলে কয় যে যদি সপ্তাহত মাত্ৰ এঘণ্টা বা দুঘণ্টাহে ব্যায়াম কৰিবলৈ সময় থাকে, তেন্তে ক্ৰমান্বয়ে ব্যায়ামৰ তীব্ৰতা বৃদ্ধি কৰিব লাগে। জগিঙৰ পৰা আৰম্ভ কৰক নহ’লে আপুনি জুম্বা ক্লাছত যোগদান কৰিব পাৰে। ইয়াৰ পিছত ক্ৰমান্বয়ে তীব্ৰতা বৃদ্ধি কৰে। মেডিকেল নিউজ টুডেৰ সৈতে হোৱা কথা-বতৰাত অষ্ট্ৰেলিয়াৰ চিকিৎসক কেলছাম ফ্ৰেজাৰে কয়, ‘ওজন প্ৰশিক্ষণৰ জৰিয়তে ওজন কমাব পাৰি। সপ্তাহত দুবাৰকৈ ওজন প্ৰশিক্ষণৰ ব্যায়ামে বিপাকীয় ক্ৰিয়া ক্ষিপ্ৰ কৰে, যাৰ ফলত নতুন পেশীবোৰক শক্তি প্ৰদান কৰে। ইয়াৰ উপৰিও ইয়াৰ বাবে ভাল পৰিমাণৰ শক্তিৰো প্ৰয়োজন হ’ব। চিকিৎসকে কয় যে ব্যায়ামৰ লগতে ওজন কমাবলৈ আপোনাৰ খাদ্যাভ্যাসও অতি গুৰুত্বপূৰ্ণ। যেতিয়া আপুনি ব্যায়াম কৰে আৰু আপোনাৰ খাদ্যাভ্যাস সঠিক নহয় তেতিয়া ই শৰীৰত বেয়া প্ৰভাৱ পেলায়। ইয়াৰ লগতে যদি আপুনি উচ্চ তীব্ৰতাসম্পন্ন ব্যায়াম কৰা নাই তেন্তে সেই অনুসৰি খাদ্যও ৰাখিব লাগিব। খাদ্যত থকা পুষ্টিকৰ উপাদানসমূহৰ যত্ন লওক আৰু শৰীৰৰ প্ৰয়োজন অনুসৰি কেলৰি গ্ৰহণ কৰক। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

Lose Weight: ওজন হ্ৰাস কৰাৰ সহজ উপায়,নতুন গৱেষণাৰ দাবী || Easy way to lose weight,new research claims || 100% guaranteed Read More »

Semiconductor Facility

তিনিটা অৰ্ধপৰিবাহী (Semiconductor) উদ্যোগৰ আধাৰশিলা স্থাপন কৰে প্ৰধানমন্ত্ৰী মোদীয়ে

Leave a Comment / Current Affairs /

দেশখনক অৰ্ধপৰিবাহী (Semiconductor) নিৰ্মাণৰ কেন্দ্ৰ হিচাপে গঢ়ি তোলাৰ বাবে তেওঁৰ চৰকাৰৰ দায়বদ্ধতাক আলোকপাত কৰি প্ৰধানমন্ত্ৰী নৰেন্দ্ৰ মোদীয়ে বুধবাৰে কয় যে

তিনিটা অৰ্ধপৰিবাহী (Semiconductor) উদ্যোগৰ আধাৰশিলা স্থাপন কৰে প্ৰধানমন্ত্ৰী মোদীয়ে Read More »

Underwater Metro

Underwater Metro: কোনখন ৰাজ্যত ভাৰতৰ প্ৰথমখন পানীৰ তলৰ মেট্ৰ’ চলোৱা হৈছে ?

Leave a Comment / Current Affairs /

Current Affairs Underwater Metro: কোনখন ৰাজ্যত ভাৰতৰ প্ৰথমখন পানীৰ তলৰ মেট্ৰ’ চলোৱা হৈছে ? শিৱাংগ কুমাৰ গগৈ March 13, 2024 11:04 PM আজিৰ ভাৰত প্ৰতিটো ক্ষেত্ৰতে প্ৰগতিৰ পথত আগবাঢ়িছে, মহাকাশ, প্ৰতিৰক্ষা, চিকিৎসা, শিক্ষা, প্ৰযুক্তি, আন্তঃগাঁথনি আদি ক্ষেত্ৰত ভাৰতে অতুলনীয় অগ্ৰগতি লাভ কৰিছে। কলকাতাৰ হুগলী নদীত ভাৰতৰ প্ৰথমটো পানীৰ তলৰ মেট্ৰ’ সুৰংগ নিৰ্মাণ কৰা হৈছে। যিটো উদ্বোধন কৰিছিল প্ৰধানমন্ত্ৰী মোদীয়ে। আজিৰ ভাৰত প্ৰতিটো ক্ষেত্ৰতে প্ৰগতিৰ পথত আগবাঢ়িছে, মহাকাশ, প্ৰতিৰক্ষা, চিকিৎসা, শিক্ষা, প্ৰযুক্তি, আন্তঃগাঁথনি আদি ক্ষেত্ৰত ভাৰতে অতুলনীয় অগ্ৰগতি লাভ কৰিছে। এই ধাৰাবাহিকখনত ভাৰতে আন এক সাফল্য লাভ কৰি দেশৰ প্ৰথমটো পানীৰ তলৰ মেট্ৰ’ সুৰংগ নিৰ্মাণ কৰি এক নতুন নিদৰ্শন দাঙি ধৰিছে। কলকাতাৰ হুগলী নদীত ভাৰতৰ প্ৰথমটো পানীৰ তলৰ মেট্ৰ’ সুৰংগ নিৰ্মাণ কৰা হৈছে। যিটো উদ্বোধন কৰিছিল প্ৰধানমন্ত্ৰী মোদীয়ে। ৰে’ল মন্ত্ৰী অশ্বিনী বৈষ্ণৱে কয় যে প্ৰধানমন্ত্ৰী নৰেন্দ্ৰ মোদীয়ে ৬ মাৰ্চত কলকাতাত ইয়াক দেশৰ বাবে উৎসৰ্গা কৰিছিল। আপোনাৰ তথ্যৰ বাবে কও যে কলকাতা মেট্ৰ’ হৈছে দেশৰ আটাইতকৈ পুৰণি মেট্ৰ’ ৰে’ল ব্যৱস্থা। ইয়াৰ ইতিহাস প্ৰায় ৪০ বছৰ পুৰণি। এই নিৰ্মাণ কাৰ্য্যই ২০৪৭ চনৰ ভিতৰত উন্নত ভাৰতৰ বাবে প্ৰধানমন্ত্ৰী মোডীৰ সংকল্প আৰু অধিক শক্তিশালী কৰে। ভাৰতৰ প্ৰথমটো পানীৰ তলৰ মেট্ৰ’ সুৰংগ: কলকাতাৰ হুগলী নদীৰ তলত নিৰ্মিত এই পানীৰ তলৰ মেট্ৰ’ (Underwater Metro) সুৰংগটো পূব-পশ্চিম মেট্ৰ’ কৰিডৰৰ অংশ, যিটো কলকাতা মেট্ৰ’ প্ৰকল্পৰ বহু পৰ্যায়ৰ ভিতৰত অন্যতম। ইয়াৰ পৰিচালনাৰ লগে লগে কলকাতাত মানুহৰ ভ্ৰমণ অধিক সহজ আৰু সুবিধাজনক হৈ পৰিব আৰু মানুহে কম সময়তে যাত্ৰা সম্পূৰ্ণ কৰিব পাৰিব। ভাৰতৰ আটাইতকৈ গভীৰ মেট্ৰ’ ষ্টেচন: এই পানীৰ তলৰ মেট্ৰ’ সুৰংগটো কলকাতাৰ হুগলী নদীৰ তলত নিৰ্মাণ কৰা হৈছে যিয়ে ‘হাউৰা ময়দান’ক এস্প্লেনেডৰ সৈতে সংযোগ কৰিব। যাৰ বাবে যাত্ৰীসকলে লাভ কৰিব এক অনন্য অভিজ্ঞতা। কলকাতা মেট্ৰ’ৰ এই পৰ্যায় আৰম্ভ হ’লেই হাওৰা হ’ব দেশৰ আটাইতকৈ গভীৰ মেট্ৰ’ ষ্টেচন, যিটো ভূপৃষ্ঠৰ পৰা ৩২ৰ পৰা ৩৩ মিটাৰ তলত অৱস্থিত। ভ্ৰমণৰ সময় হ্ৰাস পাব: এই ৰে’লে যাত্ৰীসকলৰ যাত্ৰাৰ সময় বহু পৰিমাণে হ্ৰাস কৰিবলৈ গৈ আছে। কলকাতাৰ গ্ৰীণ লাইন পূব কলকাতাৰ পঞ্চম খণ্ড আৰু ফুলবাগানৰ মাজত ৬.৯৭ কিলোমিটাৰ চুটি দূৰত্বত বিস্তৃত। অৱশ্যে মেট্ৰ’ৰ এই নতুন পৰ্যায়ৰ জৰিয়তে হুগলী নদীৰ তলত পাৰ হৈ মাত্ৰ ২৭ মিনিটতে ছেক্টৰ ভিৰ পৰা হাওৰালৈ দীঘলীয়া দূৰত্ব অতিক্ৰম কৰিব এই ৰে’লখনে। পানীৰ তলৰ মেট্ৰ’ সুৰংগৰ মূখ্য তথ্যসমূহ: কলকাতা মেট্ৰ’ৰ হাওৰা মৈদান-এছপ্লেনেড অংশটোৱেই হৈছে “ভাৰতৰ যিকোনো নদীৰ তলত” প্ৰথমটো পানীৰ তলৰ পৰিবহণ সুৰংগ। লগতে হাওৰা মেট্ৰ’ ষ্টেচন ভাৰতৰ আটাইতকৈ গভীৰ মেট্ৰ’ ষ্টেচনত পৰিণত হৈছে। হাওৰা মৈদান-এস্প্লেনেড অংশ হুগলী নদীৰ তললৈ পাৰ হৈ যায়, যাৰ পূব আৰু পশ্চিম পাৰত কলকাতা আৰু হাওৰা চহৰ অৱস্থিত। ২০২৩ চনৰ এপ্ৰিল মাহত ইতিহাস সৃষ্টি কৰা কলকাতা মেট্ৰ’ই দেশত প্ৰথমবাৰৰ বাবে হুগলী নদীৰ তলৰ সুৰংগত পানীৰ তলত পৰিবহণৰ পৰীক্ষা সফলতাৰে সম্পন্ন কৰে। হাওৰা মৈদান আৰু এছপ্লেনেডৰ মাজৰ ৪.৮ কিলোমিটাৰ দূৰত্ব হাওৰা মৈদান আৰু আই টি হাব ছল্ট লেক ছেক্টৰ ভিৰ মাজৰ ইষ্ট-ৱেষ্ট মেট্ৰ’ কৰিডৰৰ দ্বিতীয় অংশ। ৪৫ ছেকেণ্ডত হুগলী নদীৰ তলত ৫২০ মিটাৰ দূৰত্ব অতিক্ৰম কৰিব মেট্ৰ’খনে। ইষ্ট-ৱেষ্ট মেট্ৰ’ৰ মুঠ ১৬.৬ কিলোমিটাৰ দৈৰ্ঘ্যৰ ভিতৰত ‘হাউৰা ময়দান’ আৰু ফুলবাগানৰ মাজত ১০.৮ কিলোমিটাৰ দৈৰ্ঘ্যৰ মাটিৰ তলৰ কৰিড’ৰ, য’ত হুগলী নদীৰ তলত পানীৰ তলৰ সুৰংগও অন্তৰ্ভুক্ত কৰা হৈছে। ইষ্ট-ৱেষ্ট ষ্ট্ৰেচৰ এছপ্লেনেড-চিলডাহ অংশ এতিয়াও সম্পূৰ্ণৰূপে সাজু হোৱা নাই। কিন্তু ছল্ট লেক ছেক্টৰ ভিৰ পৰা ছিলডালৈকে ইষ্ট-ৱেষ্ট মেট্ৰ’ কৰিডৰৰ অংশটো বৰ্তমান বাণিজ্যিকভাৱে কাৰ্যক্ষম হৈ আছে। এয়াৰটেলে সংযোগ প্ৰদান কৰিব: দেশৰ অন্যতম বৃহৎ টেলিকম কোম্পানী এয়াৰটেলে হুগলী নদীৰ পৃষ্ঠৰ ৩৫ মিটাৰ তলত উচ্চ ক্ষমতাসম্পন্ন ন’ড স্থাপন কৰি মেট্ৰ’ যাত্ৰীসকলৰ বাবে নিৰৱচ্ছিন্ন সংযোগ নিশ্চিত কৰাৰ পৰিকল্পনা ঘোষণা কৰিছে। ইয়াৰ সহায়ত যাত্ৰীসকলেও পানীৰ তলত ভাল সংযোগ লাভ কৰিব। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

Underwater Metro: কোনখন ৰাজ্যত ভাৰতৰ প্ৰথমখন পানীৰ তলৰ মেট্ৰ’ চলোৱা হৈছে ? Read More »

Robot

ৰবট || Robot

Leave a Comment / Common Writings ( সাধাৰণ লিখনি ) /

Science ৰবট || Robot বিজ্ঞানৰ কল্পকাহিনী বা ছাইফাই (Sci-Fi = Science Fiction) মানব সদৃশ বুদ্ধিযুক্ত, নিজে কাম কৰিব পৰা যন্ত্ৰৰ কথা প্ৰায়ে পোৱা যায় ৷ বিজ্ঞানভিত্তিক চিনেমাতো ৰবট (Robot) বা যন্ত্ৰ-মানৱৰ সঘন আর্বিভাব লক্ষণীয় । কিন্তু ৰবটৰ ধাৰণা এতিয়া বিজ্ঞানীৰ পৰিকল্পনা আৰু সাহিত্যিকৰ দূৰকল্পনা me নহয়। উন্নত দেশবোৰত ৰবট মানৱ জীৱনৰ অপৰিহাৰ্য অংগ হ’বলৈ ওলাইছে।  তেনেকুৱা এটা ৰবটৰ নাম হ’ল ব’ব। ব’বৰ উচ্চতা ০.৭ মিটাৰ। ওজন প্রায় ২৫ কিল’গ্রাম। ই গান গাব আৰু কথা কব পাৰে । প্ৰয়োজন হ’লে অৱলোহিত সংসূচকৰ সহায়ত মেজ, চকী, মানুহ আদি থকা কোঠালিৰ মাজেদি অ’লৈ তালৈ যাব পাৰে, এহাতে দবা খেলিব পাৰে, চৌকিদাৰী কৰিব পাৰে আনকি গৰাকীৰ লগত ঠাট্টা মস্কৰাও কৰিব পাৰে। জাপান আৰু আমেৰিকা যুক্তৰাষ্ট্ৰত এনে ৰবট দোকানত কিনিবলৈ পোৱা যায় ৷ কিন্তু পিতৃ মাতৃৰ সন্তানে ৰবটকহে বেছি ভালদৰে চিনি পাব নেকি? এনেবোৰ জটিল প্রশ্নৰ উত্তৰ মানৱ সভ্যতাই আজি বিচাৰি পাব লাগিব। অৱশ্যে বিজ্ঞানৰ কল্পকাহিনীত বৰ্ণনা কৰাৰ দৰে ৰবটে ৰবটক সৃষ্টি কৰি মানৱ সভ্যতাৰ প্ৰতিযোগী ৰবট সভ্যতা গঢ় দিয়াৰ সম্ভাৱনা এতিয়াও বহু আঁতৰত । About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

ৰবট || Robot Read More »

blood donation

মানৱৰ হিত সাধনঃ ৰক্তদান || Humanitarianism: Blood donation

Leave a Comment / Editorial (সম্পাদকীয়) /

সমাজত আমি কোনোৱেই অকলে কিবা বিচ্ছিন্নতা ভাৱ লৈ জীয়াই থাকিব নোৱাৰোঁ। প্রতি পদক্ষেপতেই প্রয়োজন হয় আনৰ সহযোগিতা। সেয়ে প্রতিজন লোকে আনৰ পৰা সহায় পাবলৈ আনক জীয়াই ৰখাটো প্ৰতিজনৰ কৰ্তব্যৰ ভিতৰত পৰিব৷ এই কর্তব্য পালন কেৱল ভাল উক্তিৰেই নহয়, নিজৰ মহৎ বস্তু আনৰ বাবে ত্যাগ কৰা। এনে এটি মহৎ কৰ্তব্য হ’ল-ৰক্তদান।

মানৱৰ হিত সাধনঃ ৰক্তদান || Humanitarianism: Blood donation Read More »

Maa

যান্ত্ৰিকতাৰ মাজমজিয়াত মোৰ অনুভৱৰ দলিচাত ” মা”

Leave a Comment / Common Writings ( সাধাৰণ লিখনি ) /

Common Writings যান্ত্ৰিকতাৰ মাজমজিয়াত মোৰ অনুভৱৰ দলিচাত ” মা” “স্পন্দিত হ্ৰদয়ৰ ,এক হমুনিয়াহেৰে কোঠালিৰ চাৰিবেৰৰ মাজত সিচিঁ দিছো মোৰ অনুভৱৰ কঠিয়াতলি “ আগবাঢ়ি যোৱা জীৱনৰ প্ৰতিটো পদক্ষেপত তোমাৰ অনুভৱৰ মাজত ডুব খোৱাৰ দৰে আজি মোৰ এই জীৱন যাএাত আকৌ এবাৰ অনুভৱৰ দুৱাৰদলিত তুলানা কৰিব বিচাৰিছোঁ “মা “,তোমাৰ কোলাৰ পৃথিৱী খন আজি মই থকা এই যান্ত্ৰিক পৃথিৱী খন নহয়। তোমাৰ মুখত হাহিঁ বিৰিঙোৱা সেই মধুৰ মুহূওটোত যেতিূয়া তোমাৰ কোলাত ,তোমাৰ আচঁলৰ আৰতঁ লুকাই সুৰক্ষিত ভাৱে টোপনি গৈছিলো ,সেইদিনা কাহানিও ভবা নাছিলো , যান্ত্ৰিকতাৰ দৌৰত টোপনিও কৃএিম হৈ পৰিব অথা’ৎ ভাও জুৰিব লাগিব টোপনিৰ । সৰুতে যেতিয়া ধূলি -বালি লৈ উমলিছিলো যেতিয়া ক’ৰবাত দুখ পাই কান্দিছিলো , তেতিয়া তোমাৰ কোলাত উঠি হিয়া জুৰি কান্দিছিলো । কিন্তু ,আজি জানা “মা” শৰীৰৰ যান্ত্ৰনাই মোক আঘাত নকৰে ,নোলাই চকু পানীও । তেতিয়াহে উচুপু যেতিয়া আগবাঢ়ি যোৱাৰ কণ্টকময় বাটত আঘাত লাগে মোৰ সপোন বোৰত ,আশাবোৰত । মই ডাঙৰ হলো ন ‘মা ? আতৰি থাকিব পৰা হ’লো কতব্যৰ তাড়নাত তোমাৰ পৰা ,লুকাই -লুকাই কান্দিব পৰা হঁলো নিষ্ঠুৰ বাস্তৱৰ মুখামুখিত । সকলোৰে আগত ডাঙৰ হ’লেও তোমাৰ দৃষ্টিত সদায়ে সৰু , সেয়েহে অনুভৱৰ আৰত তুমি” মা”। আজিও অনুভৱ কঁৰো,চকু দুটা মুদি দিলেই “মা”শব্দৰ শিহৰণ কাৰী কুমলীয়া অনুভূতি ।অনুভৱ কৰো তোমাৰ সেই খন হাত , যি খন হাতেৰে তুমি পাৰ কৰি দিছিলা আদৰ্শৰ দলিচা । যি খন হাতত ধৰি মই শিকিছিলো আদৰ্শৰ বুনিয়াদী কুঁহিপাত । জানা “মা”তোমাৰ আদৰ্শৰেটো মোক এই যান্ত্ৰিকময় বাটত থিয় দি ৰবলৈ দৃঢ় কৰি তুলিলা ,চকুপানীৰ মাজতো হাঁহি ৰবলৈ শিকালা ,তথাপিতো কেতিয়াবা দুৰ্বল হওঁ, সেই থুপুক -থাপাককৈ তোমাৰ আঙুলিত ধৰি যে পৰিছিলো, তেনেদৰে পৰি ৰও কোনোৱা কোণত আজিও কিয় জানা ?” মা”তুমি দিয়া সেই ৰঙীন পৃথিৱীৰ সপোণ ৰূপী নক্সাৰ দৰে নহয় যে আজিৰ পৃথিৱী , আজিৰ পৃথিৱী যদি ৰঙীণ হয় মানুহৰ তেজেৰে ৰঙীণ ,সন্ত্ৰাসৰ ধোঁৱাৰে বিয়পা এইয়া তেজৰে ৰঙীন পৃথিৱী ।সেয়েহে আজি মোৰ অনুভৱৰ কোঠালিত” মা” কাৰণ আজি তোমাৰ বাহিৰে যে একো নাই ।। About the Author স্বাগতা কলিতা মহাপুৰুষ শ্ৰীমন্ত শংকৰদেৱ বিশ্ববিদ্যালয় ,নগাওঁ

যান্ত্ৰিকতাৰ মাজমজিয়াত মোৰ অনুভৱৰ দলিচাত ” মা” Read More »

জার্মেনীৰ সাহিত্যক বিশ্বৰ সভালৈ আগবঢ়াই নিয়া কবি গ্যেটে || Johann Wolfgang Von Goethe

Leave a Comment / Biography /

Biography জার্মেনীৰ সাহিত্যক বিশ্বৰ সভালৈ আগবঢ়াই নিয়া কবি গ্যেটে || Johann Wolfgang Von Goethe ১৭৪৯ খৃষ্টাব্দত জার্মেনীৰ ফ্ৰংফুট নামৰ চহৰ খনত ‘য়াহান ওলফগাং ভন গ্যেটে’ (Johann Wolfgang Von Goethe) নামৰ এটি শিশুৰ জন্ম হৈছিল, যি জার্মেনীক বিশ্ব সাহিত্যৰ দৰবাৰত গুৰুত্বপূৰ্ণ আসন প্ৰদান কৰাত বিশেষভাৱে অৰিহণা যোগাইছিল। মাত্র ষোল বছৰ বয়সতে গ্যেটেই গীতি কবিতাৰ ৰচনাৰে নিজৰ সাহিত্যিক তথা কবি প্রতিভাৰ পৰিচয় দাঙি ধৰিছিল। সাধাৰণতে সেই বয়সত অন্য কিশোৰ যুৱক যিদৰে প্ৰেমৰ প্ৰতি অনুৰক্ত হয় সেইদৰে গ্যেটেৰ গীতি কবিতা সমূহটো চঞ্চল প্ৰেমৰ চিতিকনি বিশেষ ভাৱে মন কৰিব লগা। গ্যেটেৰ মহৎ সৃষ্টি ‘ফাউষ্ট’। এই গ্ৰন্থৰ ৰচনাৰে জার্মান সাহিত্যিক বিশ্বদৰবাৰলৈ আগবঢ়াই নিয়াত তেওঁ প্ৰভূত বৰঙণি আগবঢ়ায়। তেওঁ ইংৰাজী ‘ৰোমাণ্টিক ধাৰাৰ প্ৰভাৱত ক’লেজি,শ্যেলীৰ দৰে কবিৰ কবিতাৰ দ্বাৰা অনুপ্রাণিত হৈ ৰোমাণ্টিক কবিতাৰ ব্যাপ্তি “ফাউষ্ট”ৰ মাজলৈ টানি আনে। ষোড়শ শতিকাৰ এগৰাকী জার্মান পণ্ডিত ফাউষ্টে অসৎ যাদু শক্তিৰ সহায়ত কেনেকৈ জ্ঞান-গংগা পাৰ হ’বলৈ গৈ নিশেষ হৈ গ’ল তাৰ বৰ্ণনা ফাউষ্টত সৰল আৰু সাৱলিল ভাবে গ্যেটেই ৰচনা কৰিছে। গ্যেটেই জীবিকাৰ বাবে প্ৰথম অৱস্থাত ওকালতি আৰম্ভ কৰিছিল যদিও পুৰণি শিল্পকলাৰ প্ৰতি অনুৰক্ত কবিগৰাকীয়ে পিছলৈ বিভিন্ন ঠাই ভ্ৰমণ কৰি পুৰণি শিল্পৰ অধ্যয়ন কৰে আৰু ইটালিৰ শিল্প, ভাস্কর্য আৰু ঐতিহ্যই তেওঁৰ হৃদয়ত গভীৰ ৰেখাপাত কৰে। শিল্প ভাস্কৰ্যৰ প্ৰতি থকা গ্যেটে’ব গভীৰ আত্মীয়তা গীতি কবিতাসমূহত নন্দনতাত্বিক সৌন্দৰ্য্যবোধ ক্ষতিশিলৰ দৰে চিৰ উজ্জীৱিত কৰিছিল। অন্যহাতে তেওঁৰ প্ৰকৃতিৰ প্ৰতি থকা গভীৰ ভালপোৱাই সৌন্দৰ্য্যপিয়াসি মনৰ সম্ভেদ দিয়ে কাব্যগ্রন্থ “মেটামোৰফোজে ডেৰ পফ্লানটছেন”ত। গ্যেটে প্ৰাচ্যৰ কবিতাৰ প্ৰতি গভীৰভাৱে আকৃষ্ট হৈছিল। ভাৰতৰ বেদান্ত দর্শন আৰু পুৰাণ মহাভাৰতৰ শকুন্তলাৰ অমৰ প্ৰেম আৰু জিজ্ঞাসাৰ ৰস আস্বাদন কৰিছিল। ভাৰতীয় সাহিত্যত নিহিত জটিল দৰ্শনৰ অনুসন্ধান কৰিছিল কবি গৰাকীয়ে। কবি গ্যেটেই প্ৰাচ্যৰ অন্তদর্শন, পাৰস্যৰ ৰহস্যবাদী ধাৰাটোক পাশ্চাত্যৰ কবিতাৰ লগত তুলনামূলক বিচাৰ বিশ্লেষণ কৰিছিল। গ্যেটেৰ মতে প্রাচীন গ্রীকৰ সভ্যতা-সংস্কৃতি মানৱ জাতিৰ মানস সন্তান। গ্যেটেৰ অন্য এখন উল্লেখ ৰচনা হ’ল ইভিলহেলম মাষ্টাৰ্চ লেবায়াৰে’। ফৰাচী সম্রাট নেপোলিয়নৰ উত্থান সামগ্র জার্মেনীৰ জনসাধাৰণক যিদৰে ভিতি সন্ত্রস্ত কৰি তুলিছিল সেই একেদৰে গ্যেটেকো অন্তত আঘাত দিছিল। কিন্তু তাৰ মাজতে গ্যেটে ‘ইভিলহেলম মাষ্টাৰ্চ লেবায়াৰে’ৰ দৰে কেইবাখনো কিতাপ ৰচনা কৰি গৈছিল৷ অৱশ্যে তেওঁ ফৰাছী সাহিত্যিক ৰুছো আদি বিশিষ্ট লিখক সকলৰ পৰা লাভ কৰা প্ৰেৰণাই ‘ফাউষ্ট’ৰ দৰে সাহিত্যৰচনাত প্রভূত বৰঙণী আগবঢ়ায়। গ্যেটেৰ এনেবোৰ ৰচনাই জার্মেনীৰ সাহিত্যক বিশ্ব দৰবাৰত চিনাকী কৰাত বিশেষ ভূমিকা গ্রহণ কৰে। গ্যেটেই জার্মেনীৰ ভাষা-সাহিত্য-সংস্কৃতিৰ উত্তৰণত নিজকে উৎসর্গা কৰিছিল যদিও তেওঁ জার্মানী ভাষাৰ সীমাবদ্ধতাক ভালকৈ উপলব্ধি কৰিছিল। তেওঁ জার্মেনীৰ সাহিত্যই এদিন যে বিশ্ব সাহিত্যত প্ৰভাৱ বিস্তাৰ কৰিব তাৰ বাবে আশাবাদী আছিল আৰু সেয়ে গ্যেটেই জার্মেনীৰ সাহিত্যক পশ্চিমীয়া সাহিত্যৰ দৰবাৰলৈ উলিয়াই নিয়াত যত্নপৰ আছিল, যিহেতু দেশ বিদেশৰ সাহিত্য একেডাল সুতাৰে বন্ধা বুলি গ্যেটেই বিশ্বাস কৰিছিল। তথাপি ফ্রেডেৰিক এংগেলছে গ্যেটেক উদাবাদী হৈয়ো বিপ্লৱ বিৰোধী আছিল বুলি ক’ব খোজে। গ্যেটেই পোষণ কৰা জার্মেনীৰ সাহিত্যক বিশ্বব সভালৈ নিয়াৰ আশা পিছৰ ফালে সফল হ’ল। গ্যেটে’ৰ ৰচনাৰাজি আজিৰ তাৰিখতো বিশ্ব সাহিত্যত সমাদৃত হৈ আছে। বিশ্বৰ সাহিত্যৰ পথাৰত গ্যেটে এজন সফল লেখক তথা কবি। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

জার্মেনীৰ সাহিত্যক বিশ্বৰ সভালৈ আগবঢ়াই নিয়া কবি গ্যেটে || Johann Wolfgang Von Goethe Read More »

Technology

প্রযুক্তি আৰু সাগৰৰ ব্যৱহাৰ || Technology and the Use of the Sea

Leave a Comment / Science ( বিজ্ঞান ) /

Science প্রযুক্তি আৰু সাগৰৰ ব্যৱহাৰ || Technology and the Use of the Sea ‘সাগৰ দেখিছা? দেখা নাই কেতিয়াও ? ময়ো দেখা নাই। শুনিছোঁ তথাপি নীলিম সলিল ৰাশি বাধাহীন উর্মিমালা আছে দূৰ দিগন্ত বিয়াপি….।’ সাগৰ শব্দটিৰ প্ৰসংগ ওলালেই দেৱকান্ত বৰুৱাৰ উক্ত কবিতা ফাঁকিলৈ মনত পৰে। সাগৰ অতি বিশাল, ই সীমাহীন, লগতে সাগৰ ঐশ্বর্যশালী; সৌন্দর্যময়। বিজ্ঞানৰ দ্ৰুত হাৰত হোৱা অগ্ৰগতিৰ লগে-লগে প্ৰযুক্তিৰ নৱ নৱ উদ্ভাৱনেৰে মানৱ জাতিয়ে পৃথিৱীক যি ৰূপ দিছে সেয়া সকলোৰে বাবেই আশ্চর্যজনক। এই ক্ষেত্ৰত মানৱ জাতিয়ে সাগৰকো বাদ দিয়া নাই। মানৱ জাতি অতিশয় কৌতূহলী, সেয়ে ৰহস্যময়ী অশান্ত সাগৰৰ ৰহস্য ভেদ কৰিবলৈ নতুন নতুন অভিনৱ বাহনৰ (বস্তুৰ) প্ৰয়োজন হৈছে। আৰু এই ক্ষেত্ৰত মানুহ সফলো হৈছে। সাগৰীয় অধ্যয়নৰ আৰম্ভণি অতি পুৰণি৷ গ্ৰীচৰ এগৰাকী প্ৰাচীন, প্রখ্যাত বুৰঞ্জীবিদ হিৰ’ডটাছৰ টোকা মতে যীশু খ্ৰীষ্টৰ জন্মৰ প্ৰায় ছশ বছৰ মান পূৰ্বেই মানুহে সাগৰৰ গৱেষণা আৰম্ভ কৰিছিল। সেই কালৰ ইজিপ্তৰ ৰজা বা ফাৰাও নিকো আছিল এই ক্ষেত্ৰত আগৰণুৱা ৷ চতুর্থ শতিকাত আটলান্টিক আৰু ভূমধ্য সাগৰ লগ-লগোৱা জিব্রাল্টৰ প্ৰণালী পাৰ হোৱাৰ কথা জনা যায়। এই প্ৰণালীয়ে ইউৰোপ আৰু আফ্রিকা মহাদেশকো লগ-লগাইছে। ইয়াৰ পিছতে পঞ্চদশ শতিকাত কলম্বাচৰ ভাৰতলৈ বুলি সমুদ্ৰ যাত্ৰা আৰু ১৫২২ চনত স্পেইনৰ মেগেলান নামৰ নাৱিক গৰাকীৰ পৃথিৱী ঘূৰাৰ অভিযান উল্লেখযোগ্য। দৰাচলতে ১৮৩১ চনতহে বৈজ্ঞানিক অনুসন্ধানৰ উদ্দেশ্যে উলিৱা সাগৰ অভিযানৰ সূচনা হয় বুলিব পাৰি। এই অভিযানৰ প্ৰধান আছিল ইংলেণ্ডৰ প্ৰখ্যাত জীৱ বিজ্ঞানী চাৰ্লছ ডাউইন৷ তেওঁ ইংলেণ্ডৰ ৰাণীৰ জাহাজ এইচ. এম. এছ. বিগলেৰে পাঁচ বছৰৰ বাবে দক্ষিণ প্রশান্ত মহাসাগৰ অভিমুখে যাত্রা কৰে। এই যাত্ৰাৰ সময়ছোৱাত কৰা অধ্যয়নেৰে তেওঁ তেওঁৰ বিখ্যাত ‘জীৱৰ ক্ৰমবিকাশ’ বোলা মতবাদটি আগবঢ়ায়। এই মতবাদটিয়েই বৰ্তমানৰ জীৱ বিজ্ঞানৰ মাইলৰ খুঁটি। ইয়াৰ পিছতে ক্রমাগত চেলেঞ্জাৰ, মেটিঅ’ৰ, ডিস্কভাৰি, নটিলাছ আদি জাহাজ আৰু ছাব মেৰিণৰ সহায়ত বিভিন্ন দেশে সাগৰত বিভিন্ন গৱেষণা চলায়। বিজ্ঞানৰ অগ্ৰগতিৰ লগে-লগে, দ্বিতীয় বিশ্বযুদ্ধৰ সময়ত মানুহে সু-সজ্জিত পোছাক ‘স্কিউবা’ পিন্ধি ১৮০ মিটাৰ পৰ্যন্ত গভীৰলৈ যাব পাৰিছিল। এই পোছাকৰ আৱিষ্কাৰৰ লগে লগে মানৱ জাতিয়ে ‘বাথিস্ফেয়েৰ’ নামৰ এবিধ উন্নত তীখাৰ ডাঠবেৰ আৰু আইনা থকা যন্ত্ৰ নিৰ্মাণ কৰে। এই যন্ত্ৰৰ সহায়ত মানুহে ৯০০ মিটাৰ পৰ্যন্ত গভীৰতা লৈ গৈ অধ্যয়ন কৰিব পাৰিছিল। কিছু দিনৰ পিছতে বাথিস্ফিয়েৰতকৈ অধিক উন্নত বাথিস্কেফৰ উদ্ভাৱন কৰা হয়। ইয়েই ছাবমেৰিন। ১৯৬০ চনত ‘ট্ৰিয়েষ্ট’ নামৰ বাথিস্কেফত উঠি দুগৰাকী ফৰাচী গৱেষকে পৃথিৱীৰ গভীৰ্তম খাদ চেলেঞ্জাৰলৈকে নামিব পাৰিছিল। সেই দুঃসাহসিক ব্যক্তি দুজন আছিল জেক পিকাৰ্ড আৰু ড’নাল্ড ৱালাছ। ইয়াৰ পিছত আমেৰিকাৰ নৌ বাহিনীয়ে ১৯৬৪ চনত ছি লেব নামৰ এক বহুমুখী আঁচনি হাতত লয়। তেওঁলোকে ক্রমাগত ১৯৬৪, ১৯৬৫ আৰু ১৯৬৮ চনত তিনিটা অত্যাধুনিক ছিলেব সাগৰলৈ পঠিয়ায়। সাগৰত অনুসন্ধানৰ বাবে ‘টেকটাইট’ নামৰ আন এক ৰাষ্ট্ৰীয় পৰীক্ষাগাৰৰো উন্মোচন কৰিছিল। এই ছি-লেব আৰু টেক-টাইকত সোমাই বিজ্ঞানীসকলে পৃথিৱীৰ ‘দ’ গাত বোৰ পাৰ হৈ পৃথিৱীৰ ভিতৰ ভাগৰ ওপৰত অনুসন্ধান কৰিব বিচাৰিছিল। অর্থাৎ ম’হৰ ওপৰত অধ্যয়ন কৰিব বিচাৰিছিল। (পৃথিৱীৰ ওপৰ ভাগৰ খোলাটো আৰু ভিতৰৰ অংশটো য’ত মিলিত হৈছে তাক ম’হ বোলে।) অৱশ্যে এই ক্ষেত্ৰত মানুহ অধিক সফল হ’ব নোৱাৰিলে। আমাৰ বাবে অতিকৈ প্ৰয়োজনীয় বিদ্যুৎ শক্তি মানুহে সাগৰৰ পৰাও উৎপন্ন কৰিছে। তাৰে থূল-মূল ধাৰণা এটা এনেধৰণৰ সাগৰীয় জোৱাৰ অহাৰ সময়ত সাগৰৰ গাতে লাগি থকা বৃহৎ বৃহৎ পুখুৰী, হ্রদ আদিবোৰত পানী সোমাবলৈ দিয়া হয় । আৰু ভাটাৰ সময়ত কৌশলেৰে নিয়ন্ত্ৰণ কৰি সেই পানীক ওলাবলৈ দিয়া হয়। বাহিৰত এই পানীৰ গতিয়ে মজুত কৰি ৰখা প্রকাণ্ড প্রকাণ্ড টার্বাইনবোৰ ঘূৰায়৷ তেতিয়াই বিদ্যুৎ উৎপন্ন হয়। পৃথিৱীৰ বৰ্তমানৰ প্ৰযুক্তিসম্পন্ন উন্নত দেশকেইখনমানে সাগৰৰ পৰা বিভিন্ন পদ্ধতিৰে বিদ্যুৎ উৎপন্ন কৰিছে। এই ধৰণৰ আঁচনিক চমুকৈ অ’টেক বোলে। ১৯৭৯ চনত আমেৰিকাই এই আঁচনিৰে প্ৰথমবাৰ বিদ্যুৎ শক্তি উৎপাদন কৰিছিল। পৃথিৱীৰ উন্নত দেশবোৰৰ দৰে সাগৰৰ পৰা বিভিন্ন ব্যৱস্থা আদায় কৰিব নোৱাৰিলেও ভাৰতৰ দৰে নিম্ন মানৰ দেশেও সমুদ্র অভিযানৰ পৰা বঞ্চিত হোৱা নাই। ভাৰতে পোন প্ৰথমে ১৯৭৫ চনৰ ৩১ ডিচেম্বৰ তাৰিখে বি আৰ গণেশন নামৰ ছাব মেৰিনেৰে গৱেষণা কাৰ্যৰ পাতনি মেলে । ইয়াৰ পিছতে ১৯৮১ চনৰ ৬ ডিচেম্বৰ তাৰিখে ড° এছ জেড কাছিমৰ নেতৃত্বত এটা ভাৰতীয় দল পোন প্ৰথমবাৰৰ বাবে এন্টার্কটিকাত উপস্থিত হয়গৈ৷ ইয়াৰ পিছতো তেওঁলোকে কেইবাবাৰো তালৈ গৈ অধ্যয়ন কৰি আছে। ১৯৮৩-৮৪ চনত দলটোৱে তাত প্ৰথমটো স্থায়ী গৱেষণা কেন্দ্ৰ স্থাপন কৰিছিল৷ আৰু তাৰ নাম দিছিল ‘দক্ষিণ গংগোত্রী’। এনেদৰে তেওঁলোকে ২০০১ চনলৈকে মুঠ ২১ বাৰ অভিযান চলায়। বর্তমান পৃথিবীৰ প্ৰায়বোৰ দেশেই সমুদ্র গৱেষণা কাৰ্যত ভাগ লৈছে। এইদৰে প্ৰযুক্তিৰ নৱ আৱিষ্কাৰ সমূহেৰে সাগৰৰ ৰহস্য ভেদ কৰি গৈ থাকিলে হয়তো এসময়ত আমি সাগৰতো ঘৰ সাজি বাস কৰিব পাৰিম। About the Author শিৱাংগ কুমাৰ গগৈ Writer & Blogger Posts of this Author Facebook Twitter Instagram Linkedin

প্রযুক্তি আৰু সাগৰৰ ব্যৱহাৰ || Technology and the Use of the Sea Read More »