তিনিটা অৰ্ধপৰিবাহী (Semiconductor) উদ্যোগৰ আধাৰশিলা স্থাপন কৰে প্ৰধানমন্ত্ৰী মোদীয়ে
প্ৰধানমন্ত্ৰী নৰেন্দ্ৰ মোদীয়ে কয় যে আমি উজ্জ্বল ভৱিষ্যতৰ দিশত এক শক্তিশালী পদক্ষেপ লোৱাৰ বাবে এইটো এটা ঐতিহাসিক দিন। তেওঁ কয় যে ‘মেড ইন ইণ্ডিয়া’ অৰ্ধপৰিবাহী চিপে দেশখনক আত্মনিৰ্ভৰশীলতা আৰু আধুনিকতাৰ দিশে লৈ যাব।
দেশখনক অৰ্ধপৰিবাহী (Semiconductor) নিৰ্মাণৰ কেন্দ্ৰ হিচাপে গঢ়ি তোলাৰ বাবে তেওঁৰ চৰকাৰৰ দায়বদ্ধতাক আলোকপাত কৰি প্ৰধানমন্ত্ৰী নৰেন্দ্ৰ মোদীয়ে বুধবাৰে কয় যে ভাৰতে যেতিয়া প্ৰতিশ্ৰুতি দিয়ে তেতিয়াও সেই প্ৰতিশ্ৰুতি পূৰণ কৰে। প্ৰায় ১.২৫ লাখ কোটি টকাৰ তিনিটা অৰ্ধপৰিবাহী (Semiconductor) প্ৰকল্পৰ আধাৰশিলা স্থাপন কৰে মোদীয়ে। ইয়াৰ পিছত তেওঁ অনলাইন মাধ্যমৰ জৰিয়তে ৰাইজক সম্বোধন কৰে।
মোদীয়ে কয় যে এইটো এটা ঐতিহাসিক দিন কাৰণ আমি উজ্জ্বল ভৱিষ্যতৰ দিশত এক শক্তিশালী পদক্ষেপ লৈছো। তেওঁ কয়, ‘মেড ইন ইণ্ডিয়া’ অৰ্ধপৰিবাহী (Semiconductor) চিপে দেশখনক আত্মনিৰ্ভৰশীলতা আৰু আধুনিকতাৰ দিশে লৈ যাব। দেশখনক অৰ্ধপৰিবাহী উৎপাদনৰ কেন্দ্ৰ হিচাপে গঢ়ি তোলাৰ প্ৰতিশ্ৰুতি সন্দৰ্ভত মোদীয়ে কয় যে ভাৰতে যেতিয়া প্ৰতিশ্ৰুতি দিয়ে তেতিয়া ভাৰতে সেই প্ৰতিশ্ৰুতি পূৰণ কৰে আৰু গণতন্ত্ৰেও সেই প্ৰতিশ্ৰুতি পূৰণ কৰে।
তেওঁ কয় যে পূৰ্বৰ চৰকাৰসমূহে হাজাৰ হাজাৰ কোটি টকাৰ কেলেংকাৰী সংঘটিত কৰিছিল যদিও অৰ্ধপৰিবাহী উদ্যোগৰ উন্নয়নৰ বাবে হাজাৰ হাজাৰ কোটি টকা বিনিয়োগ কৰিব পৰা নাছিল। এই অৰ্ধপৰিবাহী (Semiconductor) প্ৰকল্পসমূহৰ ভিতৰত গুজৰাটৰ ঢোলেৰাত ভাৰতৰ প্ৰথমটো ‘ফেব’ প্লাণ্ট আৰু ছানন্দৰ ‘আউটচ’ৰ্চড ছেমিকণ্ডাক্টৰ এছেম্বলি এণ্ড টেষ্ট’ চেণ্টাৰ (OSAT) অন্যতম।
প্ৰধানমন্ত্ৰীয়ে অসমৰ মৰিগাঁৱত ২৭ হাজাৰ কোটি টকাৰ ‘আউটচ’ৰ্চড ছেমিকণ্ডাক্টৰ এছেম্বলি এণ্ড টেষ্ট’ (OSAT) প্ৰকল্পৰ আধাৰশিলাও কাৰ্যকৰীভাৱে স্থাপন কৰে।
অসমৰ জাগীৰোডত আয়োজিত কাৰ্যসূচীত উপস্থিত থকা মুখ্যমন্ত্ৰী হিমন্ত বিশ্ব শৰ্মাই কয় যে আজি অসম তথা উত্তৰ-পূৰ্বাঞ্চলৰ বাবে এক ঐতিহাসিক দিন।
