ভাৰতৰ ওপৰত নতুন শুল্ক আৰোপ কৰাৰ সিদ্ধান্তৰ পক্ষ লৈ ট্ৰাম্পে ‘ট্ৰুথ ছ’চিয়েল’ৰ এটা পোষ্টত কয়, ভাৰত আমাৰ বন্ধু, কিন্তু বছৰ বছৰ ধৰি আমি তেওঁলোকৰ সৈতে তুলনামূলকভাৱে কম বাণিজ্য কৰিছো, কিয়নো ভাৰতৰ শুল্ক বিশ্বৰ ভিতৰতে সৰ্বাধিক আৰু তাত থকা ৰাজহবিহীন বাণিজ্যৰ বাধাসমূহ অত্যন্ত জটিল আৰু পৰিচালনা কৰিব নোৱাৰা।’ ভাৰতে ৰাছিয়াৰ সৈতে প্ৰতিৰক্ষা আৰু শক্তিৰ ক্ষেত্ৰত ঘনিষ্ঠ সম্পৰ্ক বজাই ৰাখিছে বুলিও তেওঁ সমালোচনা কৰে। ট্ৰাম্পৰ মতে, ইউক্ৰেইন যুদ্ধৰ সময়ত ৰাছিয়াৰ সামৰিক কাৰ্যকলাপক পৰোক্ষভাৱে সমৰ্থন কৰা ৰাছিয়াৰ পৰা অস্ত্ৰ আৰু শক্তিৰ সৰ্বাধিক আমদানিকাৰক ভাৰত।